Jun 29, 2017 05:45 pm
views : 881
Location : National Press Club
Islamabad- Mishaal Hussein Malik Media Talk
اسلام آباد،کشمیر کے مسئلے پر ڈونلڈ ٹرمپ کا بیان حیران کن ہے،ڈونلڈ ٹرمپ نے بھارت کو کشمیر میں ظلم بڑھانے کیلیے حوصلہ افزائی
حریت رہنما یاسین ملک کی اہلیہ مشعال ملک کاکہنا ہے پارہ چنار اور
بہاولپورکے شہدا کے لواحقین کے غم میں برابر کی شریک ہوں ،ڈونلڈ ٹرمپ اور
مودی کی ملاقات کے موقع پر کشمیریوں کا احتجاج سب کے سامنے ہے ،کشمیر کے
مسئلے پر ڈونلڈ ٹرمپ کا بیان حیران کن ہے ،ان کے بیان سے لگ نہیں رہا کہ وہ
امریکی صدر ہیں ۔
اسلام آباد میں نیشنل پریس کلب میں پریس کانفرنس سے خطاب کرتے ہوئے مشال
ملک نے کہاکہ کشمیری رہنماوں کو دہشتگرد قرار دیا جا رہا ہے جو افسوس ناک
ہے ،1980 میں نیلسن منڈیلا کو دہشتگرد قرار دیا تھا امریکہ اقوام متحدہ کا
مستقل رکن ہے اور کشمیر میں ہونے والی ریاستی دہشت گردی پر ڈونلڈ ٹرمپ کو
کچھ نظر نہیں آ رہا ،ہندوستان اور اسرائیل کے ساتھ ہونے والے معاہدوں پر
بھی سخت تشویش ہے ،بہت بڑی بھول ہے امریکہ کی کہ وہ آزادی کی تحریک کو
دہشتگردی کا دھبہ لگانے کی کوشش کر رہا ہے ،جب عورتوں کی عزت، بھائیوں کو
قتل اور گھروں کو جلایا جاے پھر بھی امریکہ دہشت گردی قرار دیا جا رہا ہے
،ڈونلڈ ٹرمپ نے بھارت کو کشمیر میں ظلم بڑھانے کیلیے حوصلہ افزائی کی ہے۔
حریت رہنما یٰسین ملک کی اہلیہ نے کہاکہ70سالہ تحریک آزادی بغیر ہتھیاروں
سے چلائی جا رہی ہے ،خواتین کا ریپ اور بچوں کو شہید کرنے کے واقعات میں
اضافہ ہوا ہے،پاکستان کا کرکٹ میچ جیتنے پر مقبوضہ کشمیر میں نوجوانوں کو
ٹارگٹ کیا گیا،پاکستانی سیاست دانوں کو امریکہ سمیت پی 5 ممالک کا دورہ
کرنا چاہیے اور کشمیر میں ہونے والے ظلم پر آواز بلند کرنے کی ضرورت ہے ۔
مشال ملک نے مزیدکہاکہ بھارت نے سکھ برادی کا پاکستان میں واہگہ بارڈر پر
داخلہ ممنوع قرار دیا ہے جو افسوس ناک ہے ،بھارت کی بھرتی ہوئی دہشتگردی
خطے کیلیے سخت خطرہ بن گی ہے ،سید صلاح الدین کو دہشتگرد قرار دینے کی وجہ
ان کی پر امن جہدو جہد کو طاقت کے زریعے دبانا ہے ،ہم خون دے رہے ہیں اور
شہیدوں کا خون ریگاں نہیں جاتا ،یہ دکھ ضرور رہے گا کہ کشمیریوں پر ہونے
والے ظلم پر دنیا خاموش رہی ،عالمی سطح پر پاکستان کو کشمیر کے معاملہ پر
تحریک چلانے کی سخت ضرورت ہے،کلبوشن سمیت متعدد واقعات ہمارے سامنے ہیں
ہمیں سیپیک کو سامنے رکھتے ہوئے بھارت کی دہشتگردی کا مقابلہ کرنا ہو گا۔