لاہور ، عمران خان پاکستان کے توانائی کے منصوبوں اور ملکی ترقی کو روکنا چاہتے ہیں، ترجمان پنجاب حکومت
ترجمان پنجاب حکومت ملک محمد احمد خان کا کہنا ہے کہ عمران خان پاکستان کے
توانائی کے منصوبوں اور ملکی ترقی کو روکنا چاہتے ہیں وہ غیرملکی طاقتوں کے
آلہٰ کار ہیں۔
لاہور میں ڈی جی پی آر آفس میں پر یس کانفرنس سے خطاب کرتے ہوئے ترجمان
پنجاب حکومت کا کہنا تھا کہ پاکستان کی سیاسی تاریخ انتقامات سے بھری ہوئی
ہے، ماضی میں احتساب کے نام پرمذموم مقاصد حاصل کیے گئے لیکن آدمی جھوٹ بول
سکتا ہے دستاویزات نہیں، پاناما کیس میں جے آئی ٹی کے سامنے وزیراعظم
نوازشریف، مریم نواز، حسن اور حسین نواز پیش ہوئے س،پریم کورٹ پرپورا
اعتماد ہے، لیکن جے آئی ٹی پرتحفظات ہیں۔
ملک محمد احمد نے کہا کہ عمران خان پاکستان کی ترقی اور توانائی منصوبوں کو
روکنا چاہتے ہیں وہ غیرملکی طاقتوں کے آلہٰ کار بنے ہوئے ہیں کیا عمران
خان کو تاریخ کا ادراک نہیں، کیا اسلام آباد میں کاروبارزندگی معطل کرنا
ٹھیک تھا۔ عمران خان عدالتوں کا تمسخراڑا رہے ہیں، عمران خان بتائیں کہ
انہیں 10 ارب روپے کی پیشکش کس نے کی، ہم نے ان کے خلاف 10 ارب روپے کا
دعویٰ دائرکیا ہے لیکن وہ متعدد کیسز ہونے کے باوجود عدالت میں پیش نہیں
ہوتے اور فرار ہیں، اگر ان کا دامن صاف ہے تو انہیں کس کا ڈر ہے۔
ترجمان پنجاب حکومت کا کہنا تھا کہ عمران خان پانچ پانچ کروڑ روپے کے
اخراجات سے جلسے کرتے ہیں وہ بتائیں جلسوں کے لیے ان کے پاس پیسے کہاں سے
آتے ہیں ہم بھی کہہ سکتے ہیں عمران خان کو جلسوں کیلیے غیرملکی فنڈنگ ہوتی
ہے لیکن اس وقت ہم سیاسی درجہ حرارت نہیں بڑھانا چاہتے۔ آصف زرداری بھی
اخلاق سے گری ہوئی تقریریں کررہے ہیں لیکن ہم کیا کریں حکومت میں ہیں ہمارے
ہاتھ بندھے ہوئے ہیں۔