کراچی ،جدید ٹیکنالوجی سے بھرپور استفادہ حاصل کرکے معاشرہ کو نہ صرف ترقی بلکہ جرائم سے پاک کرنے میں مدد ملتی ہے، محمدزبیر
کراچی میں گورنر سندھ محمد زبیر نے سٹیزن پولیس لائڑن کمیٹی کے نا معلوم
لاش کی شناخت اور چوری / چھینے گئے موبائل فونز سے متعلق ڈیزائن کردہ ویب
سائٹ کا بٹن دبا کر آغاز کردیا۔
ویب سائٹس سے متعلق سی پی ایل سی کے چیف زبیر حبیب نے گورنر سندھ کوتفصیلی بریفنگ دی۔
ویب سائٹس کے ذریعہ نا معلوم لاش کی شناخت میں مدد اورخریدتے وقت چوری /
چھینے گئے موبائل فون سے متعلق خریدار کو فوری آگاہی ہو سکے گی ۔
ترجمان گورنر ہاؤس کے مطابق گورنر سندھ محمد زبیر نے کہا جدید ٹیکنالوجی سے
بھرپور استفادہ حاصل کرکے معاشرہ کو نہ صرف ترقی بلکہ جرائم سے پاک کرنے
میں مدد ملتی ہے۔ اداروں کو جدید ٹیکنالوجی کا زیادہ سے زیادہ فائدہ اٹھانا
چاہئے۔
گورنر سندھ محمد زبیر نے کہا جرائم کی بیخ کنی اور عوام کی مشکلات کے حل
میں سٹیزن پولیس لائژن کمیٹی کا کردار نہایت اہمیت کا حامل ہے۔ اپنے قیام
کے بعد سے سی پی ایل سی نے نمایاں خدمات انجام دی ہیں۔
گورنر سندھ محمد زبیر نے کہا ان دو ویب سائٹس کا اجراء سی پی ایل سی کی
جانب سے عوام کے مسائل کے حل کو کرنے کی ایک اور کاو ش ہے۔ لوگوں کو با
آسانی اپنے پیاروں کی تلاش میں آسانی ہو گی۔
سی پی ایل سی کے چیف زبیر حبیب نے کہا نامعلوم لاشوں کی شناخت قانون نافذ
کرنے والے اداروں کے لئے ہمیشہ ایک چیلنج رہی ہے۔ ویب سائٹ کے اجراء میں
فلاحی اداروں ایدھی اور چھیپا کا بھرپورتعاون حاصل ہے۔
سی پی ایل سی کے چیف زبیر حبیب نے کہا ویب سائٹ کے ذریعہ نامعلوم لاشوں کی
شناخت نادرا ریکارڈ کے مطابق بائیو میٹرک ٹیکنالوجی سے کی جا ئے گی۔ سی پی
ایل سی کے پاس چھینے یا چوری کے گئے دس لاکھ موبائل فونز کے آئی ایم ای آئی
نمبرزکا ریکارڈ دستیاب ہے۔