Jul 21, 2017 02:21 pm
views : 645
Location : Supreme Court Of Pakistan
Islamabad- Chief AML Shaikh Rasheed Media Talk
اسلام آباد ، وزیراعظم نواز شریف نے براہ راست جے آئی ٹی کو نشانہ بنایا، شیخ رشید
عوامی مسلم لیگ کے سربراہ شیخ رشید کا کہنا ہے کہ وزیراعظم نواز شریف نے
براہ راست جے آئی ٹی کو نشانہ بنایا جب کہ بات جے آئی ٹی پر کرتے ہیں اور
نشانہ ججز کو بنایا جا رہا ہے۔
سپریم کورٹ کے باہر میڈیا سے بات کرتے ہوئے عوامی مسلم لیگ کے سربراہ شیخ
رشید کا کہنا تھا کہ گزشتہ روز لواری ٹنل میں جو نواز شریف نے کہا وہ ان کے
ذہن کی عکاسی کرتا ہے، وزیراعظم نے براہ راست جے آئی ٹی کو نشانہ بنایا،
جے آئی ٹی پر بات کرتے ہیں اور نشانہ ججز کو بنایا جا رہا ہے ۔
ان کا بھٹو کے حوالے سے کہنا تھا کہ بھٹو کو بھی ان کے وکیلوں نے مروایا
تھا اور نواز شریف کے وکیلوں نے بھی اس کیس کا ستیاناس کر دیا ہے، نواز
شریف چاہتے ہیں کہ سارا جہان نااہل ہو جائے لیکن یہ اور مریم بچ جائیں۔
شیخ رشید نے کہا کہ کروڑوں لوگ چاہتے ہیں کہ نواز شریف مستعفی ہو جائیں، یہ
نہیں جانتے ان کا نام معاشرے میں کس جگہ پہنچ چکا ہے، جو دولت لوٹی ہوئی
ہے وہ بھی ضبط ہوگی اور جائیدادیں بھی جب کہ سپریم کورٹ سے ثبوت بھی نکلے
گا اور تابوت بھی۔