پشاور،ہندو برادری کی جانب سے یوم آزادی کے موقع پر تقریب کا اہتمام
پاکستان کی اقلیتی برادری بھی جشن آزادی کی تقریبات میں اپنے مسلم بھائیوں
کے ساتھ ہے،یہ ہمارا بھی وطن ہے ۔جشن آزادی کے موقع پر اقلیتی برادری کی
طرف سے بھی شہر کے گرجا گھروں اور مندروں میں وطن عزیز کی ترقی ، سلامتی ،
خوشحالی ، استحکام کے لئے خصوصی دعائیں کی گئی,پشاور شہر کی تمام اقلیتوں
نےجشن آزادی کو شایان شان طریقہ سے منایا۔
پشاورکے علاے صدر کے مندر میں جشن ازادی کی تقریب کا انعقاد کیا گیا جش میں
ہندو برادی کی بڑی تعداد نے شرکت کی اور انہوں نے کہا کہ پیارے وطن
پاکستان کے قیام میں بانی پاکستان قائد اعظم محمد علی جناح کی ولولہ انگیز
قیادت میں اقلیتوں نے بھی اپنے مسلمان بھائیوں کے شانہ بشانہ قربانیاں دے
کر پاکستان حاصل کیا۔
یوم آزادی کے سلسلے میں منعقد کی گئی تقریب میں شریک ایک خاتون نے ذرائع
ابلاغ عامہ کے نمائندوں سے گفتگو کرتے ہوئے کہا کہ آج ہم اس مملکت پاکستان
میں آزادی کا سانس لے رہے ہیں،ہم اپنی تمام مزہبی رسومات آزادی سے ادا کر
سکتے ہیں اور ہم فخر سے کہتے ہیں کہ ہم پاکستان کے اولین شہری ہیں،مسلمان
بھائیوں کی طرح ہم بھی اس ملک کی تاریخ تہذیب و تمدن کے امین اور محافظ
ہیں،ہم برملا یہ کہتے ہیں کہ اور ہمیں فخر ہے کہ پاکستان میں اقلیتوں کو
مکمل مذہبی،سیاسی،سماجی اور ثقافتی آزادی حاصل ہے۔
ایک اور خاتون نے کہا کہ پاکستانی بھائیوں کے مشکور ہیں کہ ہمارے ساتھ کلسی
قسم کا امتیاز نہیں برتا جاتا،انڈیا کو بھی چاہیے پاکستان کی طرح اقلیتوں
کے تحفظ کو یقینی بنائے۔
پشاور کی اقلیتی برادری کی جانب سے اس عزم کا اظہار کیا گیا کہ اقلیتیں اس
ملک کی سلامتی ، ترقی استحکام اور بہبودی کے لئے کبھی کسی سے پیچھے رہی ہیں
اور نہ رہیں گی۔