Aug 11, 2018 06:28 pm
views : 389
Location : Different Areas
Lahore- 14th August Independence Day Celebration Preparation
لاہور ، ملک کے71 ویں یوم آزادی کے موقع پر شہریوں کی جانب سے تیاریاں عروج پر
ملک کے71 ویں یوم آزادی کے موقع پر شہریوں کی جانب سے بھرپور تیاریوں کا
سلسلہ جاری ہے جب کہ جشن آزادی کو یادگار اور منفرد بنانے کے لیے شہری بڑھ
چڑھ کر حصہ لے رہے ہیں۔
جوں جوں یوم آزادی کا دن قریب آرہا ہے ویسے ویسے جشن آزادی منانے کے لیے
لاہوریوں کا جوش و جذبہ بڑھتا جا رہا ہے،شہریوں کی جانب سے آزادی کا دن
منانے کے لیے کی جانے والی تیاریاں عروج پر پہنچ گئیں ہیں ،لاہور کے عوام
وطن عزیز سے محبت کے اظہارکیلیے گلیوں ،محلے ،چوراہوں اور سڑکوں کو سبز
ہلالی پرچم سے سجا رہے ہیں وہیں پر ان مقامات پر چراغاں بھی کر رہے ہیں،
یوم آزادی کو یادگار اور منفرد بنانے کے لیے شہری سجاوٹ میں نت نئی جدت لا
رہے ہیں۔
شہر کی سرکاری،نیم سرکاری اور دیگر عمارتوں ، تعلیمی اداروں ، مارکیٹوں اور
بازاروں کو جھنڈے ،جھنڈیوں ، ہری اور سبز روشنیوں سے سجایا جا رہا ہے ،یوم
آزادی کے موقع پر جہاں نوجوانوں کی جانب سے بڑھ چڑھ کر حصہ لیا جا رہا ہے
وہیں پر خواتین بھی کسی سے پیچھے نہیں اور ہر سال کی طرح امسال بھی قومی
پرچم سے مشابہت رکھنے والے ملبوسات اور جیولری کی مانگ میں اضافہ دیکھنے
میں آیا ہے اور یوم آزادی کی مناسبت سے بڑی تعداد میں اس طرح کے ملبوسات
اور جیولری کو فروخت کے لیے مارکیٹ میں لایا گیا ہے۔
یوم آزادی کے موقع پر جہاں مخصوص مارکیٹوں میں یوم آزادی کی مناسبت سے
سامان فروخت کیا جا رہا ہے وہیں پر شہر بھر میں سبز ہلالی پرچموں ، بیجز ،
ٹی شرٹس ،کیپ ، ہیئر بینڈز ،جھنڈیوں اور دیگر سامان کے سینکڑوں اسٹالز
لگائے گئے ہیں جہاں پر دن پر شہریوں کی بڑی تعداد خریداری کرتی ہوئے دکھائی
دیتی ہے،اس موقع پر بچوں کی جانب سے بھی قومی پرچم اور جھنڈیوں کی خریداری
میں بڑھ چڑھ کر حصہ لیا جا رہاہے۔
اس موقع پر خریدار بچا ارسلا ن نے میڈیا کے نمائندے سے گفتگو کرتے ہوئے کہا
دکاندار محمد علی نے ذرائع ابلا غ عامہ کے نمائند ے سے گفتگو کرتے ہوئے کہا