Aug 25, 2018 06:53 pm
views : 490
Location : Railway Minister
Lahore- Federal Railway Minister Shaikh Rasheed Ahmed Press Conference
لاہور، ریلوے سے کرپشن ختم کرنا چاہتا ہوں، شیخ رشید احمد
وفاقی وزیر ریلوے شیخ رشید احمد نے کہا ہے کہ فیصلہ کیا ہے کہ اس سال ریلوے
کو خسارے سے نکالیں گے اور اخراجات میں 15 فیصد کمی لائیں گے۔ریلوے سے
کرپشن کو ہمیشہ کے لیے ختم کرنا چاہتا ہوں۔
لاہور میں وزیر ریلوے شیخ رشید احمد نے پریس کانفرنس کرتے ہوئے کہا ہے کہ
ریلوے میں نالائق اور کام چوروں کو نہیں چھوڑوں گا،ریلوے کی 4 ہزار ایکڑ
اراضی پرلوگ قابض ہیں،چاہوں گا کہ ریلوے میں اب کوئی جھوٹ نہ بولے ، میں نے
بھی 8 نو سال سے جھوٹ بولنا چھوڑ دیا ہے۔نہ کسی سے عناد ہے نہ محبت ،میں
صرف کام چاہتا ہوں۔
شیخ رشید احمد نے کہا کہ فریٹ ٹریڈ کو آن لائن کرنے، 60 سالہ پرانی
ویگنیں نیلام کرنے اور آئن لائن ٹکٹنگ میں ٹریول ایجنٹس کو شامل کرنے کا
فیصلہ کیا ہے۔اس کے ساتھ ساتھ 5 سالہ کارکردگی رپورٹ کو پبلک کرنے کا بھی
فیصلہ کیا ہے۔
شیخ رشید احمد نے مزیدکہا کہ ریلوے میں تین فریٹ افسروں کو معطل کردیا
ہے،فریٹ میں 20 فیصد اضافے کا کہا ہے،ہرروز فریٹ کی تفصیل فراہم کرنے کی
ہدایت کی ہے۔فریٹ کی یومیہ رپورٹ مجھے موبائل فون پر دی جائے گی۔ 15 ستمبر
سے دو نئی ٹرینیں چلائی جائیں گی ، راولپنڈی تا لاہور اورکندیاں تاراولپنڈی
ٹرین چلائی جائیں گی ۔
وزیر ریلوے نے کہا کہ مزید 30 ریلوے اسٹیشن کو اپ گریڈ کیا جائے گا، ریلوے
کی اراضی پر فائیو اسٹار ہوٹل بنائے جائیں گے۔تمام اسکول اور اسپتال نجی
سیکٹر کو دینے کو تیار ہیں، کراچی میں ڈی ایس سے کہا ہے کہ مجھے یہاں سے 10
بلین روپے چاہیے۔
وفاقی وزیر ریلوے شیخ رشید احمدنے نجی سیکٹر سے گزارش کی ہے کہ 606 کوچز بیکار پڑی ہیں، آگے آکر مدد کریں۔