Sep 03, 2018 04:35 pm
views : 387
Location : Prime Minister House
Prime Minister Priorities elimination of corruption prioritization merit
اسلام آباد:کفایت شعاری، بدعنوانی کا خاتمہ اور میرٹ کی بالادستی ترجیحات ہیں، وزیراعظم
وزیراعظم عمران خان نے سوشل میڈیا پر اپنے بیان میں کہا ہے کہ ہم گورنس کو تبدیل کرنے کے لیے پُرعزم ہیں۔انہوں نے بتایا کہ گزشتہ روز وزیراعلیٰ پنجاب عثمان بزدار، صوبائی کابینہ اور بیوروکریسی سے ہونے والی ملاقات تعمیری رہی۔پنجاب حکومت کی کارکردگی قابل تقلید ہونی چاہیے، وزیراعظم کی صوبائی کابینہ کو ہدایت
ان کا کہنا تھا کہ سب پر واضح کر دیا ہے کہ کفایت شعاری، بدعنوانی کا خاتمہ اور میرٹ کی بالادستی ترجیحات ہیں اور 100 دن کے پروگرام کے اہداف کے حصول کو ترجیح دی جائے۔
وزیراعظم نے بتایا کہ خیبر پختونخوا کے سابق آئی جی پولیس ناصر درانی سے بھی ملاقات ہوئی، انہوں نے کے پی کے پولیس میں اصلاحات کی تھیں۔عمران خان نے بتایا کہ ناصر درانی پنجاب پولیس میں اصلاحات کی ٹاسک فورس کی سربراہی کر رہے ہیں، انہیں کہا ہے کہ پنجاب پولیس کو غیر سیاسی بنانا اولین ترجیح ہونی چاہیے۔