کراچی،راؤ انوار نے محرم کے بعد اہم پریس کانفرنس کا عندیہ دے دیا
نقیب اللہ قتل کیس میں نامزد سابق سینئر سپرنٹنڈنٹ پولیس راؤ انوار نے محرم الحرام کے بعد اہم پریس کانفرنس کرنے کا عندیہ دے دیا۔
نقیب قتل کیس کی سماعت کے بعد کراچی کی انسداد دہشت گردی عدالت میں میڈیا سے غیر رسمی گفتگو میں راؤ انوار نے کہا کہ '5 اعلیٰ افسران بھی جے آئی ٹی میں تفتیش صحیح نہیں کر سکے حتیٰ کہ جے آئی ٹی میں میرا فون نمبر تک غلط درج کیا گیا'۔
ان کا مزید کہنا تھا کہ 'میری پوسٹنگ لازمی ہو گی کیونکہ مجھ پر صرف الزامات ہیں' میں نے کوئی جرم نہیں کیا۔اس سے قبل نقیب اللہ قتل کیس کی سماعت آج انسداد دہشت گردی عدالت میں ہوئی۔