Dec 14, 2019 08:16 pm
views : 280
Location : Different Places
Karachi- Asif Ali Zardari to have treatment in Karachi
جمہوریت کی مضبوطی کے لیے سیاست دانوں کو قربانی دینی پڑتی ہے،آصف زرداری
ضیا الدین اسپتال جانے سے قبل بہن فریال تالپور کی رہایش گاہ پر سابق صدر آصف زرداری نے اہم میٹنگ کی۔
تفصیلات کے مطابق ذرایع کا کہنا ہے کہ آصف زرداری اپنی بہن فریال تالپور کی رہایش گاہ گئے تھے، جہاں انھوں نے ایک اہم میٹنگ کی، جس میں بلاول بھٹو، بختاور، آصفہ اور اراکین اسمبلی بھی موجود تھے۔
آصف زرداری نے ملاقات میں پارٹی امور پر بات چیت کی، انھوں نے کہا کہ جمہوریت کی مضبوطی کے لیے سیاست دانوں کو قربانی دینی پڑتی ہے، ملک میں جمہوریت کو نقصان پہنچانے نہیں دیں گے، 18 ویں ترمیم کی وجہ سے صوبوں کو حقو ق مل رہے ہیں۔
آصف زرداری نے رات بلاول ہاؤس میں گزاری، علاج کی غرض سے کلفٹن میں واقع نجی اسپتال میں داخل کرایا گیا۔
خیال رہے کہ میگا منی لانڈرنگ اور پارک لین کیس میں طبی بنیادوں پر ضمانت پر رہا ہونے والے سابق صدر گزشتہ روز راولپنڈی سے ایک چارٹرڈ طیارے کے ذریعے کراچی پہنچے تھے، بلاول بھٹو، مراد علی شاہ، سعید غنی اور دیگر ارکان قومی و صوبائی اسمبلی نے ان کا کراچی ایئر پورٹ پر استقبال کیا۔
آصف زرداری کو گھر پہنچانے کے لیے وزیر اعلیٰ سندھ مراد علی شاہ اپنی گاڑی لے کر گئے تھے، سابق صدر کو علاج کے لیے کراچی کے نجی اسپتال میں داخل کرایا گیا۔