Dec 26, 2019 09:48 pm
views : 263
Location : Lahore High Court
Lahore- Lahore High Court (LHC) Bench Hearing Maryam Nawaz Petitions Dissolved
لاہور،مریم نواز کی درخواستوں پر سماعت کرنے والا بنچ عدالتی تعطیلات کے سبب تحلیل
مریم نواز کی درخواستوں پر سماعت کرنے والا بنچ موسم سرما کی عدالتی تعطیلات کے سبب تحلیل ہوگیا۔
لاہورہائیکورٹ میں میں جسٹس علی باقر نجفی کی سربراہی میں جسٹس انوار الحق پنوں پر مشتمل بنچ نے مریم نواز کی درخواستوں پر سماعت ہونا تھی، تاہم موسم سرما کی عدالتی تعطیلات کے سبب بنچ کو تحلیل کردیا گیا ہے۔
ذرائع کے مطابق بنچ تعطیلات کی وجہ سے سماعت کی مقرر کردہ تاریخوں پر دستیاب نہیں تھا، دونوں جج صاحبان رخصت پر تھے۔
اس موقع پر کیس سماعت کے لیے چیف جسٹس کو بھجوا دیا گیا ہے تاکہ دوسرے بنچ میں پیش کیا جائے۔
واضح رہے کہ سابق وزیر اعظم نواز شریف کی صاحبزادی اور نون لیگ کی نائب صدر مریم نواز نے ای سی ایل سے نام نکالنے اور پاسپورٹ کی واپسی کے لیے درخواست دائر کر رکھی ہے۔