Dec 27, 2019 05:22 pm
views : 306
Location : Different Places
Islamabad- Newly appointed Saudi FM meets counterpart Qureshi, PM Imran during one-day visit
اسلام آباد،وزیراعظم عمران خان سے سعودی وزیرخارجہ فیصل بن فرحان السعود کی ملاقات
وزیراعظم عمران خان نے کہا کہ توقع ہے صحت، سیاحت کے شعبے میں سرمایہ کاری کے لیے سعودی ٹیم جلد پاکستان کا دورہ کرے گی۔
وزیراعظم عمران خان سے سعودی وزیرخارجہ فیصل بن فرحان السعود کی ملاقات کا اعلامیہ جاری کردیا گیا ہے، جس میں کہا گیا وزیراعظم نے دونوں ممالک کے اقتصادی تعلقات کے فروغ کا خیرمقدم کیا۔
اعلامیے کے مطابق وزیراعظم نے کہا کہ توقع ہے صحت، سیاحت کے شعبے میں سرمایہ کاری کے لیے سعودی ٹیم جلد پاکستان کا دورہ کرے گی۔ وزیراعظم نے مقبوضہ کشمیرمیں انسانی حقوق کی بگڑتی ہوئی صورت حال سے آگاہ کیا۔
اعلامیے میں کہا گیا کہ سعودی وزیرخارجہ نے شاہ سلمان بن عبد العزیزکا خصوصی پیغام وزیراعظم کو پہنچایا، دونوں ملکوں میں مختلف شعبوں میں فروغ کے لیے سعودی ولی عہد کا پیغام بھی پہنچایا گیا۔
اعلامیے میں کہا گیا کہ سعودی عرب پاکستان کو ہرموقع پر بھرپور امداد فراہم کرے گا۔ وزیراعظم نے کہا کہ فارمہ سوٹیکل قابل تجدید توانائی میں سعودی سرمایہ کاری کا خیرمقدم کرتے ہیں۔
اس سے قبل سعودی وزیر خارجہ فیصل بن فرحان السعود اور شاہ محمود قریشی کے درمیان ملاقات ہوئی، دونوں وزرائے خارجہ نے کشمیر سمیت اہم علاقائی امور پر مشاورت جاری رکھنے پر اتفاق کیا۔ وزیر خارجہ نے مقبوضہ کشمیر پر پاکستانی مؤقف کی حمایت پر سعودی قیادت کا شکریہ بھی ادا کیا۔