اسکردو، ساجد سدپارہ کا والد اور جان سنوری کی باقیات کیلئے سرچ آپریشن شروع کرنے کا اعلان، ساجد سدپارہ کہتے ہیں خود جاکر آخری مراحل کا سراغ لگاؤں گا
ساجد سدپارہ نے والد اور جان سنوری کی باقیات کیلئے سرچ آپریشن شروع کرنے کا اعلان کرتے ہوئے کہا میں خود وہاں جاکر ان آخری مراحل کا سراغ لگاؤں گا۔
پاکستانی کوہ پیما محمد علی سدپارہ کے بیٹے ساجد سدپارہ نے پریس کانفرنس کرتے ہوئے والد اور جان سنوری کی باقیات کیلئے سرچ آپریشن شروع کرنے کا اعلان کیا۔
ساجد سدپارہ نے کے ٹو مشن پر جلد روانہ ہونے کا اعلان کرتے ہوئے کہا واقعات کے بارے میں تازہ ترین اپ ڈیٹ دینا چاہتا ہوں، والد ،جان سنوری ،میں جنوری کے اوائل میں کے ٹوسر کرنےگئےتھے، جان سنوری ،میرےوالدمحمد علی سدپارہ نے موسم گرمامیں کےٹو چوٹی سر کی۔
پاکستانی کوہ پیما کا کہنا تھا کہ ان تمام لوگوں کا شکر گزار ہوں جنہوں نے انکی تلاش میں ہماری مدد کی ، سرچ آپریشن میں پاک فوج نےتاریخ کا سب سے بڑا آپریشن کیا ، اب میری باری ہےکہ میں خودوہاں جاکران آخری مراحل کاسراغ لگاؤں۔
انھوں نے مزید کہا کہ ممکن ہے کہ تینوں چوٹی سر کرنے سے پہلے ہی واپس آئے ہوں ، ہو سکتا ہے کہ انہوں نے میرے لئے کوئی نشانی چھوڑی ہو۔