کوہالہ، کشمیر کے جمہوری حقوق کیلئے ہماری جان بھی حاضر ہے، آصفہ بھٹوزرداری کہتی ہیں ہم نے ہمیشہ کشمیر کی ترقی کیلئے کام کیا ہے
پاکستان پیپلز پارٹی کی رہنما آصفہ بھٹو زرداری نے کہا ہے کہ کشمیر کے جمہوری حقوق کے لئے ہماری جان بھی حاضرہے۔
کوہالہ میں انتخابی جلسے سے خطاب کے دوران آصفہ بھٹو زرداری نے کہا کہ ہم نے جمہوریت کے لیے قربانیاں دی ہیں، کشمیر جنت نظیر ہے ،کشمیر بے نظیر ہے، کشمیر سے ہمارارشتہ 3 نسلوں سے ہے، پیپلزپارٹی ہمیشہ کشمیر کے ساتھ کھڑی ہے، پیپلز پارٹی پہلے بھی کشمیر کے ساتھ تھی، آج بھی ہے۔
آصفہ بھٹو زرداری نے کہا کہ کشمیر سے محبت وراثت میں ملی ہے، کشمیر کے جمہوری حقوق کے لئے ہماری جان بھی حاضر ہے، ہم نے ہمیشہ کشمیر کی ترقی کے لیے کام کیا ہے، 25 جولائی کو ہر شخص تیر پر ٹھپہ لگائے کیونکہ تیر ترقی اور کشمیر کا نشان ہے۔