Jul 26, 2021 03:00 pm
views : 269
Location : Domestic Place
Islamabad- If Nawaz Sharif wants to come back, can be given a chartered plane immediately: Sheikh Rashid
اسلام آباد، آئندہ سندھ میں بھی پی ٹی آئی حکومت بنائے گی، وفاقی وزیر داخلہ کہتے ہیں کشمیر الیکشن سے متعلق جو کہا وہی ہوا، اپوزیشن دوہزار تئیس میں بھی دھاندلی کا رونا روئے گی
وفاقی وزیرداخلہ شیخ رشید نے اسلام آباد میں پریس کانفرنس میں کہا کہ پیپلزپارٹی نے بڑا پیسہ خرچ کرکے دو تین سیٹوں کا اضافہ کیا ، اگلی بار سندھ میں بھی پی ٹی آئی کی حکومت بنائیں گے۔
انہوں نے نور مقدم قتل کیس کے حوالے سے کہا کہ ملزم کا نام ای سی ایل میں ڈالا جائے گا، ملزم کے والد کو گرفتار کیا ہے، ملازمین کو بھی گرفتار کیا ہے۔نور مقدم کیس میں ملزمان کے نام ای سی ایل میں ڈالنے کے لیے اسی ہفتے کابینہ میں پیش کیے جائیں گے، ملزمان کے نام فوری طور پر پی آئی این ایل میں ڈال دیے ہیں۔
انہوں نے کہا کہ افغان پالیسی پر فیصلہ فارن آفس نے کرنا ہے، ہماری سول آرمڈ فورسز بارڈر پر لگی ہوئی ہیں، افغان آرمی آفیسرز آج یا کل واپس چلے جائیں گے۔
شیخ رشید نے کہا کہ نادرا میں تصحیح اور تجدید کا نیا نظام لانے لگے ہیں، تصدیق، تجدید اور تصحیح کی نئی پالیسی لارہے ہیں، جو شناختی کارڈ مشکوک ہوں گے ان کو میسج بھیجیں گے، دیکھیں گے کہ کوئی غیرذمہ دار شخص پاکستان کے شناختی کارڈ سے فائدہ تو نہیں اٹھارہا، جو غیرملکی بغیر ویزا تجدید کے پاکستان میں ہیں وہ 14 اگست تک پاکستان چھوڑ دیں۔
انہوں نے کہا کہ نواز شریف مودی کے ساتھ پگڑی بدل سکتے ہیں، اگر نوازشریف وآپس آنا چاہیں تو انہیں فی الفور چارٹرڈ طیارہ دیا جا سکتا ہے۔یہ اب نام کے ساتھ میاں نہیں لکھتے، یہ کشمیر کے ٹھیکیدار کدھر سے بن گئے، کشمیر میں سب سے زیادہ بیروزگاری ہے، بیروزگاری کا سمندر ہے۔
انہوں نے کہا کہ نوازشریف کا ایک ہی ایجنڈا ہے، اینٹی آرمی، اینٹی اسٹبلشمنٹ، اینٹی عمران خان، انہوں نے کل آخری پیغام دیا ہے کہ وہ بڑی تکلیف میں ہیں، ہم ان کی مدد کرنے کو تیار ہیں، چارٹرڈ جہاز دینے کو تیار ہیں، وہاں بیٹھ کر اینٹی اسٹیٹ اور اینٹی عمران خان تقریریں نہ کریں۔