Aug 08, 2021 03:42 pm
views : 231
Location : Different Places
Islamabad- Pakistan's coronavirus positivity ratio stays above 8%
ملک بھر میں مہلک وبا کورونا کے وار جاری
گزشتہ 24 گھنٹوں کے دوران ملک بھر میں کرونا وائرس کے 68 مریض انتقال کر گئے، ملک بھر میں کرونا وائرس کے مثبت کیسز کی شرح 8.09 فیصد رہی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 68 مریض انتقال کر گئے جس کے بعد کرونا وائرس سے مجموعی اموات کی تعداد 23 ہزار 865 ہوگئی۔
این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 4 ہزار 445 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 10 لاکھ 67 ہزار 580 ہوگئی۔
ملک میں کرونا وائرس سے صحت یاب مریضوں کی مجموعی تعداد 9 لاکھ 61 ہزار 639 ہے۔
این سی او سی کے مطابق گزشتہ 24 گھنٹوں کے دوران کرونا وائرس کے 55 ہزار 2 ٹیسٹ کیے گئے، اب تک ملک میں 1 کروڑ 64 لاکھ 48 ہزار 406 کووڈ 19 ٹیسٹ ہوچکے ہیں۔
این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 8.09 فیصد رہی، ملک بھر کے 631 اسپتالوں میں کرونا وائرس کے 4 ہزار 282 کیسز تشویشناک حالت میں ہیں۔
ملک میں اب تک 2 کروڑ 88 لاکھ 85 ہزار 841 افراد کو ویکسین کی ایک ڈوز جبکہ 74 لاکھ 45 ہزار 184 افراد کو ویکسین کی دونوں ڈوزز لگائی جا چکی ہیں۔