Aug 29, 2021 04:18 pm
views : 231
Location : Domestic Place
Lahore- Young doctors continue protest against NLE test in Lahore
لاہور میں ینگ ڈاکٹروں کا این ایل ای ٹیسٹ کیخلاف احتجاج، پولیس کا پیپر سپرے کا استعمال
حکومت
کی جانب سے نیشنل لائسنسنگ ایگزامینیشن کے خلاف احتجاج کے دوران پولیس کی
جانب سے کئے گئے کیمیکل اسپرے سے کئی ڈاکٹر اور میڈیکل کے طلبہ بے ہوش
ہوگئے۔
میڈیا رپورٹ کے مطابق لاہور میں ینگ ڈاکٹرز اور میڈیکل
یونیورسٹیوں کے طلبا نے نیشنل لائسنسنگ ایگزامینیشن کے خلاف برکت مارکیٹ
میں امتحانی مرکز کے باہر احتجاج کیا اور کلمہ چوک سے برکت مارکیٹ تک سڑک
بلاک کردی۔
احتجاج کے دوران ڈاکٹروں اور میڈیکل طلبہ نے امتحانی مرکز
میں داخل ہونے کی کوشش کی، اس دوران دھکم پیل ہوئی، پولیس نے مظاہرہن کو
منتشر کرنے کے لیے مرچوں والا کیمیکل اسپرے کیا جس سے کئی ڈاکٹر اور طلبہ
بے ہوش ہوگئے، جنہیں قریبی اسپتال منتقل کردیا گیا۔
بعد ازاں مظاہرین نے
اپنا احتجاج ختم کرتے ہوئے کہا کہ ہم سے حکومت کی جانب سے کوئی مذاکرات کے
لئے نہیں آیا، 24 گھنٹوں میں مطالبات پورے نہیں ہوتے تو اسلام اباد پی ایم
سی کے باہر۔دھرنا دیں گے۔
دوسری جانب محکمہ صحت پنجاب اور وزارت صحت نے
ینگ ڈاکٹرز سے مذاکرات سے انکار کردیا ہے اور حکام نے قانون ہاتھ میں لینے
والوں کے خلاف قانونی کارروائی کا عندیہ دیا ہے۔
واضح رہے کہ ڈاکٹرز
اور طلبہ نے دو روز قبل بھی برکت مارکیٹ میں امتحانی مرکز کے باہر احتجاج
کیا تھا، ان کا کہنا تھا کہ حکومت نیشنل لائسنسنگ ایگزامینیشن ٹیسٹ کو ختم
کرے۔