Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Sep 01, 2016 05:52 pm views : 1116

Location : Ministry of Foreign Office

Islamabad- Ministry of Foreign Office Weekly briefing

اسلام آباد ، بھارت سے جب بھی مذاکرات ہوں گے کشمیر پر بھی بات کی جائے گی،ترجمان دفتر خارجہ

ترجمان دفتر خارجہ نفیس زکریا کا کہنا ہے کہ جب بھارت تیار ہو پاکستان بھی مذاکرات کے لیے تیار ہے لیکن مذاکرات میں کشمیر پر بھی بات کی جائے گی۔
ترجمان دفترخارجہ نفیس ذکریا نے اسلام آباد میں ہفتہ وار بریفنگ کے دوران کہا کہ جب بھارت تیار ہو پاکستان بھی مذاکرات کے لیے تیارہے لیکن مذاکرات میں کشمیرپربھی بات کی جائے گی، مذاکرات کے لیے کسی قسم کی پیشگی شرائط قبول نہیں ہیں جب کہ وزیر اعظم کے خصوصی نمائندے کشمیرمیں ظلم کو اجاگر کریں گے۔ پٹھان کوٹ واقعے کے حوالے سے ان کا کہنا تھا کہ واقعے کی مذمت کی ہے جب کہ تحقیقاتی ٹیمیں پٹھان کوٹ واقعہ کی تحقیقات کررہی ہیں۔
ترجمان دفتر خارجہ نفیس زکریا نے بریفنگ کے دوران کہا کہ مقبوضہ کشمیرمیں انسانی حقوق کی خلاف ورزیاں عرصے سے جاری ہیں، کشمیری گذشتہ 2 ماہ سے تمام ترپابندیوں کے باوجود سڑکوں پرہیں، ایک لاکھ سے زائد کشمیری جانوں کی قربانی دے چکے ہیں، 570 کشمیریوں کی بینائی پیلٹ گن کے استعمال سے متاثرہوچکی جب کہ بھارت مظالم سے نظریں ہٹانے کے لیے کوششیں کررہا ہے۔
ترجمان دفتر خارجہ نفیس زکریا کا کہنا تھا کہ پاکستان جنرل اسمبلی میں مقبوضہ کشمیرمیں انسانی حقوق کی خلاف ورزیوں کا معاملہ اٹھائے گا، جنرل اسمبلی اجلاس میں پاک بھارت وزرائے اعظم ملاقات کا فیصلہ نہیں کیا گیا جب کہ نوازشریف اور اقوام متحدہ کے سیکریٹری جنرل کے درمیان ملاقات متوقع ہے۔
ترجمان دفتر خارجہ نفیس زکریا کا کہنا تھا کہ افغانستان میں قیام امن پاکستان کے بہترین مفاد میں ہے، چمن گیٹ پر پاکستانی و افغان انتظامیہ کی ملاقات ہوئی ہے اور دونوں فریقین نے یکم ستمبر کو گیٹ کھولنے کا فیصلہ کیا ہے جب کہ فریقین نے ماہانہ بنیادوں پر ایک ملاقات کا فیصلہ بھی کیا۔
ترجمان دفتر خارجہ نفیس زکریا کا کہنا تھا کہ بھارت اور امریکا کے درمیان دفاعی معاہدہ دو ممالک کے درمیان ہے جب کہ امید ہے معاہدے سے جنوبی ایشیاء میں ہتھیاروں کی دوڑ شروع نہیں ہوگی۔
ترجمان دفتر خارجہ نفیس زکریا کی جانب سے کابل میں امریکن یونیورسٹی پر حملے کی مذمت کی گئی جب کہ ان کا کہنا تھا کہ جو ٹیلی فون نمبر فراہم کیے گئے وہ افغان ٹیلی کام کمپنی کے ہیں اور ٹیلی فون پر کالیں بھی افغانستان کے اندرسے کی گئیں۔