Dec 29, 2016 06:12 pm
views : 807
Location : CM Secretariat
Lahore- CM Punjab Shahbaz Sharif chairs meeting regarding Sports Board
لا ہو ر، وزیراعلیٰ پنجاب محمد شہبازشریف کی زیرصدارت اعلیٰ سطح کا اجلاس
لا ہو ر میں وزیراعلیٰ پنجاب محمد شہبازشریف کی زیرصدارت اعلیٰ سطح کا
اجلاس ہو ا ۔اجلاس میں صوبے میں کھیلوں کے میدان خصوصاً کرکٹ گراؤنڈز اور
ای لائبریریز کے پروگرامو ں پر پیش رفت کا جائزہ لیا گیا۔
اس موقع پر وزیراعلیٰ پنجاب محمد شہبازشریف کا کہناتھا کہ نوجوان پاکستان
کا روشن مستقبل ہیں۔نوجوانوں کو بااختیار بنانے کیلئے پنجاب حکومت نے
انقلابی اقدامات کئے ہیں۔پنجاب نے صوبے میں یوتھ کمیشن قائم کر دیا ہے۔
وزیراعلیٰ پنجاب محمد شہبازشریف نے ہد ایت کی کہ ڈائریکٹوریٹ آف یوتھ افیئرز کو بھی جلد فعال کیا جائے۔
وزیراعلیٰ پنجاب محمد شہبازشریف کا کہناتھا کہ نوجوانوں میں صحت مندانہ
سرگرمیوں کے فروغ کیلئے صوبہ بھر میں کرکٹ اور پلے گراؤنڈز بنائے جا رہے
ہیں۔لاہور سمیت پنجاب بھر میں 92 کرکٹ اور پلے گراؤنڈز بنانے کے منصوبے پر
کام جاری ہے۔کرکٹ گراؤنڈز اور پلے گراؤنڈز بنانے کے کام کو جلد سے جلد مکمل
کیا جائے۔
وزیراعلیٰ پنجاب محمد شہبازشریف کا کہناتھا کہ ا سکولوں میں موجود پلے
گراؤنڈز میں بھی کرکٹ کھیلنے کی سہولت فراہم کرنے کیلئے جامع پلان مرتب کیا
جائے۔جن اضلاع کے سکولو ں میں گراؤنڈز بڑی ہیں، وہاں پر رات کے وقت کرکٹ
کھیلنے کا انتظام کیا جائے۔نئی بننے والی کرکٹ گراؤنڈز میں فلڈ لائٹس کا
انتظام کیا جائے تاکہ رات کے وقت ٹورنامنٹس کا انعقاد ممکن ہوسکے۔
وزیراعلیٰ پنجاب محمد شہبازشریف کا کہناتھا کہ اسکولوں کا جلد سروے کرا کر
کرکٹ گراؤنڈز کی نشاندہی کی جائے۔نوجوانوں کو صحت مند سرگرمیوں کی جانب
راغب کرنے کیلئے کرکٹ اور پلے گراؤنڈز کا قیام ضروری ہے۔
وزیراعلیٰ پنجاب محمد شہبازشریف کا کہناتھا اسپورٹس انڈومنٹ فنڈ کا قیام
بھی عمل میں لایا جا چکا ہے۔ضلع اور ڈویڑن کی سطح پر سپورٹس اکیڈمیاں بھی
بنائی جائیں گی۔ای لائبریریز کے پروگرام کو جدت کے ساتھ آگے بڑھانا ہوگا۔
رواں مالی برس 10 ای لائبریریز کا قیام ہر صورت عمل میں لایا جائے۔
وزیراعلیٰ پنجاب محمد شہبازشریف نے گزشتہ برس کرکٹ گراؤنڈز، پلے گراؤنڈز
اور ای لائبریریز بنانے کے پروگراموں میں تاخیر کا سخت نوٹس لیا۔ چیئرمین
وزیراعلیٰ معائنہ ٹیم کی سربراہی میں انکوائری کمیٹی تشکیل دینے کی ہدایت
کی ۔وزیراعلیٰ نے ا سپورٹس سٹیئرنگ کمیٹی کے قیام کی منظوری دے دی۔حنیف
عباسی سٹیئرنگ کمیٹی کے سربراہ ہوں گے۔ڈی جی پنجاب اسپورٹس بورڈ کی
پروگراموں پر پیش رفت کے حوالے سے بریفنگ دی ۔
صوبائی وزراء ملک ندیم کامران، منشاء اللہ بٹ، جہانگیر خانزادہ، سیکرٹری سپورٹس اور متعلقہ حکام نے اجلاس میں شرکت کی۔
مسلم لیگ (ن) کے رہنما و سابق ایم این اے حنیف عباسی کی راولپنڈی اور
سیکرٹری تعمیرات و مواصلات کی بہاولپور سے ویڈیو لنک کے ذریعے اجلاس میں
شرکت کی۔