کراچی ، نااہل افسران کی میری ٹیم میں کوئی گنجائش نہیں، وزیراعلیٰ سندھ
وزیراعلیٰ سندھ سید مراد علی شاہ نے اسپتالوں کی تعمیر کے پراجیکٹس میں ڈاکٹر کو ڈائریکٹر
بنانے اور دیہی علاقوں میں اسپتالوں کی تعمیر میں سستی کا مظاہرہ کرنے پر
برہمی کا اظہار کرتے ہوئے کہا ہے کہ جس نے کام نہیں کرنا اس کے لئے میری
ٹیم میں کوئی گنجائش نہیں۔
وزیراعلیٰ سندھ سید مراد علی شاہ کی زیر صدارت صحت کے شعبے سے متعلق اجلاس ہوا جس میں اسپتال
کی تعمیر کے پروجیکٹس میں ڈاکٹروں کو ڈائرکٹربنانے پر سخت برہمی کا اظہار
کرتے ہوئے وزیراعلی سندھ نے کہا ڈاکٹرز اسپتال میں کام کریں پروجیکٹ
ڈائریکٹراورانتظامی عہدوں پر انتظامی افسران اپنے فرائض سر انجام دینگے
۔
اجلاس میں وزیراعلیٰ نے کراچی کےدیہی علاقوں میں زیرتعمیراسپتالوں کا کام
شروع نہ کرنے پر متعلقہ حکام پر اظہار برہمی کرتے ہوئے کہا کہ چھ ماہ ہوگئے
اس دوران ڈیزائن مکمل نہ ہونا نااہلی کے سوا کچھ نہیں۔
وزیراعلیٰ سندھ سید مراد علی شاہ نے حکام کو
متنبہ کرتے ہوئے کہا کہ جو میری ٹیم میں نااہل اور سست افسران کے لئے کوئی
جگہ نہیں اگر عوامی خدمت کا جذبہ نہیں ہے تو وہ گھر جاسکتے ہیں ۔
وزیراعلیٰ سندھ سید مراد علی شاہ نے کراچی کے دیہی علاقوں میں اسپتالوں کی تعمیر نو سے متعلق
تفصیلی رپورٹ طلب کرتے ہوئے متعلقہ حکام کو کل صبح آٹھ بجے طلب کرلیا۔