Jan 03, 2017 08:07 pm
views : 810
Location : CM Secretariat
Lahore- CM Punjab Shahbaz Sharif chairs Meeting
لاہور ، وزیراعلیٰ پنجاب محمد شہبازشریف کی زیرصدارت بیجنگ میں ہونے والے سی پیک کے مشترکہ تعاون کمیٹی کے حوالے سے ڈی بریفنگ سیشن
لا ہورمیں وزیراعلیٰ پنجاب محمد شہبازشریف کی زیرصدارت بیجنگ میں ہونے والے
سی پیک کے مشترکہ تعاون کمیٹی کے حوالے سے ڈی بریفنگ سیشن ہوا۔
اس موقع پر وزیراعلیٰ پنجاب محمد شہبازشریف کا کہناتھا کہ سی پیک کے منصوبے
پورے پاکستان میں لگ رہے ہیں۔سی پیک ایک حقیقت بن چکا ہے۔سی پیک منصوبوں
کی تیز رفتاری سے تکمیل ہماری ترجیح ہے۔سی پیک کے منصوبے ملک و قوم کی
تقدیر بدل دیں گے۔چین کی جانب سے مشترکہ تعاون کمیٹی میں لاہور اورنج لائن
میٹرو ٹرین، ساہیوال کول پاور پراجیکٹ، سولر پارک اور دیگر منصوبوں پر ہونے
والی پیش رفت پر اطمینان کا اظہار کیا گیا ہے۔
وزیراعلیٰ پنجاب محمد شہبازشریف کا کہناتھا کہ سی پیک کے منصوبوں سے چاروں
صوبوں کے ساتھ گلگت بلتستان اور آزاد کشمیر کے عوام بھی مستفید ہوں
گے۔چینی حکام کا منصوبوں میں رفتار، معیار اور شفافیت پر اطمینان کا اظہار
خوش آئند ہے۔چین کی جانب لاہور اورنج لائن میٹرو ٹرین کے منصوبے میں بعض
مشکلات کے باوجود تسلسل کے ساتھ تعاون پر شکرگزار ہیں۔
وزیراعلیٰ پنجاب محمد شہبازشریف کا کہناتھا کہ میٹرو ٹرین کا منصوبہ پورے
پاکستان کا منصوبہ ہے۔اس منصوبے کی تکمیل سے عام آدمی کو بین الاقوامی
معیار کی جدید سفری سہولتیں ملیں گی۔میٹرو ٹرین کا منصوبہ امیر اور غریب
میں خلیج کم کرنے کا منصوبہ ہے۔توانائی منصوبوں کی تکمیل کیلئے بھی چین کے
تعاون کے مشکور ہیں۔
وزیراعلیٰ پنجاب محمد شہبازشریف کا کہناتھا کہ1320 میگاواٹ کا ساہیوال کول
پاور پراجیکٹ مقررہ مدت سے پہلے مکمل ہوگا۔یہ منصوبہ رواں برس کے اوائل
میں بجلی کی پیداوار شروع کردے گا۔سی پیک پر ہونے والی تیز رفتار پیش رفت
سے دنیا بھی حیران ہے۔قائداعظم اپیرل پارک کے منصوبے کو وقت پر مکمل ہونا
چاہیئے۔
وزیراعلیٰ پنجاب محمد شہبازشریف کا مز ید کہناتھا کہ متعلقہ وزیر اور حکام اس
منصوبے کو تیزی سے آگے بڑھائیں۔مجھے صرف کام چاہیئے، نتائج دینا آپ کی ذمہ
داری ہے۔
چیئرمین منصوبہ بندی و ترقیات نے مشترکہ تعاون کمیٹی میں کئے جانے والے فیصلوں اور دیگر اہم امور کے بارے میں بریفنگ دی گئی۔
صوبائی وزراء ملک ندیم کامران، عائشہ غوث پاشا، شیخ علاؤالدین، ایم ڈی
پنجاب ماس ٹرانزٹ اتھارٹی، متعلقہ سیکرٹریز بھی اس موقع پر موجود تھے۔