Jan 19, 2017 06:48 pm
views : 927
Location : Supreme Court of Pakistan
Islamabad- Chairman PTI Imran Khan Media Talk
اسلام آباد،مریم نواز کے کہنے پر وزرا مجھے گالیاں دیتے اوربرا بھلا کہتے ہیں، عمران خان
چیئر مین پاکستان تحریک انصاف عمران خان کا کہنا تھا کہ وزرا مجھے مریم نواز کے
کہنے پر گالیاں دیتے اور برا بھلا کہتے ہیں جب کہ (ن) لیگ والے یہ سجھتے
ہیں کہ ایسا کرنے سے نوازشریف کو رعایت مل جائے گی لیکن یہ ان کی بھول ہے۔
چیئر مین پاکستان تحریک انصاف عمران خان کا کہنا تھا کہ سپریم کورٹ کے باہر حکمران
جماعت کی پوری کابینہ موجود ہوتی ہے اور مجھے گالیاں دی جاتی ہیں، یہ سب
مریم نواز کے کہنے پر ہوتا ہے وہ ہرروز تمام وزار سے باری باری پوچھتی ہیں
کہ تم نے عمران خان کو کتنی گالیاں دیں اور کتنا برا کہا اور دھمکی دیتی
ہیں کہ اگر تم نے ایسا نہ کیا تو میں سب کے کرپشن کے کیس عوام کے سامنے لے
آؤں گی۔ (ن) لیگ والے کہتے ہیں کہ عمران خان کو اتنا برا کہا جائے کہ
نوازشریف کو پاناما کیس میں رعایت مل جائے، یہ کیا سوچتے ہیں کہ مجھے برا
بھلا کہہ کر کیس سے بچ جائیں گے۔
چیئر مین پاکستان تحریک انصاف عمران خان کا کہنا تھا کہ مجھ پر الزام لگایا جاتا ہے کہ میں گالی دینے
والا سیاستدان ہوں، میری گالی یہ ہے کہ نوازشریف ملک کا سب سے بڑا کرپٹ
آدمی اور ڈاکو ہے،میں اس پر قائم ہوں کیوں کہ میں نوازشریف کو 30 سال سے
جانتا ہوں، انہوں نے ایک فیکٹری سے اقتدارمیں آنے کے بعد 30 فیکٹریاں بنائی
ہیں، اقتدارمیں آکر ذات کو فائدہ پہنچانا ہی کرپشن ہے اور جب میں ان کی
اصلیت بتاتا ہوں تو مجھ پر کرپشن کے الزامات لگائے جاتے ہیں جب کہ میں کبھی
بھی اقتدار میں نہیں آیا اور یہ ملک میں پہلی بار ہورہا ہے کہ اقتدارمیں
آنے سے پہلے ہی کسی انسان کو کرپٹ کہہ دیا جائے۔
چیئر مین پاکستان تحریک انصاف عمران خان نے کہا کہ نوازشریف نے قومی اسمبلی میں کہا تھا کہ
جائیدادوں سے متعلق میرے پاس تمام دستاویزات موجود ہیں لیکن ان کے وکیل نے
وہ دستاویزات تاحال عدالت میں پیش نہیں کئے، نوازشریف نے کہا کہ میں ہرفورم
پر احتساب کے لئے تیارہوں اور کوئی استثنیٰ نہیں لوں گا لیکن اب وہ
پارلیمنٹ کی آڑ لے کر استثنیٰ لے رہے ہیں، جب ہم دھرنا دیتے تھے تو کہا
جاتا تھا کہ پارلیمنٹ میں آؤ، پارلیمنٹ میں آئے تو ہمیں بات کرنے کا موقع
ہی نہیں دیا گیا اور کہا کہ عدالت میں جاؤ اور جب عدالت گئے تو کہا کہ
نوازشریف نے پارلیمنٹ کی پناہ لے کر استثنیٰ لے لی ہے، اب ہم کہاں جائیں۔
چیئر مین پاکستان تحریک انصاف عمران خان نے کہا کہ نومبر 2011 میں مریم نواز نے انٹرویو میں کہا تھا کہ
بیرون ملک تو درکنار ہماری پاکستان میں بھی کوئی جائیداد نہیں لیکن جب
2016 میں پاناما کا انکشاف ہوا تو انہیں مجبوراً ماننا پڑا کہ ہماری
جائیداد میں مے فئیر کے فلیٹ بھی ہیں اور آئی سی آئی جے کی ویب سائٹ پر آنے
والے تمام ناموں میں سے کسی نے بھی انکار نہیں کیا۔
چیئر مین پاکستان تحریک انصاف عمران خان کا کہنا تھا کہ
حکمران جب اخلاقی جواز کھو بیٹھے تو اسے حکمرانی کا کوئی حق نہیں، پہلے
چھپائے جانے والے فلیٹس کو بعد میں ماننا جھوٹ ہے،سپریم کوٹ میں بتانا پڑے
گا لندن فلیٹس کے لئے رقم کہاں سے اور کیسے بیرون ملک منتقل ہوئی۔
چیئر مین پاکستان تحریک انصاف عمران خان نے مزید کہا کہ سپریم کورٹ کو بھی علم ہے کہ اس کیس سے ملک
پر بڑے اثرات مرتب ہوں گے اور عدالت نے کہا ہے کہ یہ تاریخ کا انوکھا کیس
ہے، اب فیصلہ ہوگا کہ مستقبل کا پاکستان کیسا ہوگا۔