Jan 24, 2017 01:38 pm
views : 868
Location : Supreme Court of Pakistan
Islamabad- PTI Spokesman Naeem-ul-Haq and Fawad Chaudhry Media Talk
اسلام آباد، شریف خاندان نے کرپشن کے تمام ریکارڈ توڑ دیئے ہیں ان کا کوئی ثانی نہیں، نعیم الحق
پاکستان تحریک انصاف کے ترجمان نعیم الحق کا کہنا ہے کہ تحریک انصاف ہمیشہ
عوام کے جذبات کی عکاسی کرتے ہوئے حق کی بات کرتی ہے۔ شریف خاندان کرپشن کے
بادشاہ بن چکے ہیں، شریف خاندان نے آٹھ سالہ دور میں فضول خرچیوں کی انتہا
کردی ہے۔
سپریم کورٹ کے باہر فواد چودھری کے ہمراہ ذرائع ابلاغ عامہ کے نمائندوں سے
گفتگونعیم الحق کا مزید کہنا تھا کہ لاہور میں اورنج ٹرین پر دو سو ارب
روپے سے زائد کے اخراجات ہوچکے ہیں۔ ان دو سو ارب روپے سے اگر دو سو ہسپتال
بنادیئے جاتے تو وہ معصوم جانیں ضائع نہ ہوتیں جن کی تصویریں روزانہ
اخباروں میں آرہی ہیں۔
ان کا مزید کہنا تھا کہ حکمراں جماعت کے وزراء بے شرمی کا مظاہرہ کرتے ہیں۔
وزیر ریلوے خواجہ سعد رفیق کو بے شمار حادثات پر بھی شرم نہیں آتی کہ وہ
ذمہ داری قبول کرلیں۔ آج سارے اخبارات بڑے بڑے اشتہاروں سے بھرے ہوئے ہیں
جن میں دو بھائیوں کی تصویریں ہیں۔ یہ اپنے آپ کو مبارکباد دے رہے ہیں کہ
ہم نے ملتان میں میٹرو سسٹم شروع کیا جبکہ یہ عوام کا پیسہ ہے، ان کا اس
میں کیا تعلق ہے۔ یہ اپنی تصویریں کیوں چھپواتے ہیں۔ یہ غیر قانونی ہے۔
نعیم الحق کا یہ بھی کہنا تھا کہ لاہور ہائی کورٹ نے وزیر اعلیٰ پنجاب کے
خلاف ججمنٹ دی ہے کہ انہوں نے اپنے حلف کی خلاف ورزی کرتے ہوئے اختیارات کو
استعمال کرکے قوانین میں ایسی تبدیلی کی کہ وہ اپنی فیملی کی شوگر ملیں
پنجاب میں لگاسکیں۔
انہوں نے کہا کہ پوری قوم اس بات پر متفق ہے کہ شریف خاندان نے کرپشن کے
تمام ریکارڈ توڑ دیئے ہیں اور ان کا کوئی ثانی نہیں۔ سپریم کورٹ کے فیصلے
کے بعد قوم سرخرو ہو کر نکلے گی۔
اس موقع پر فواد چودھری کا کہنا تھا کہ وزیر اعظم کے بچوں کو بتانا پڑے گا
کہ اربوں روپے کے مالک کیسے بنے،اب ہر چیز اس وقت عدالت کے سامنے کھل کر
آگئی ہے۔