Jan 25, 2017 05:50 pm
views : 883
Location : Ormara
Ormara- Pakistan Navy Induction Ceremony
اورماڑہ، وزیر دفاع کا جناح نیول بیس اورماڑہ میں پاک بحریہ کے یونٹس کا دورہ
اورماڑہ بلوچستان میں قائم پاک بحریہ کے جناح نیول بیس میں منعقد ایک
پروقار تقریب کے دوران دوجہاز پی ایم ایس ایس ہنگول اور بسول کو پاکستان
میری ٹائم سیکیورٹی ایجنسی میں شامل کیا گیا۔ وزیر دفاع جناب خواجہ محمد
آصف اس موقع پر مہمان خصوصی تھے ۔
وزیر دفاع خواجہ محمد آصف کی آمد پر پاک بحریہ کے سربرا ہ
ایڈمرل محمد ذکاء اللہ نے ان کا استقبال کیا۔ تقریب میں اعلیٰ سول و عسکری
حکام نے شرکت کی۔ چین میں تیار ہونے والے یہ جہاز جدید آلات سے لیس ہیں جو
خصوصی اقتصادی زون کی حفاظت اور میری ٹائم خطے میں قانون پر عمل داری میں
مزید معاون ثابت ہوں گے۔
قبل ازیں وزیر دفاع خواجہ محمد آصف نے پاک بحریہ کے آپریشنل امور اور
ساحلی علاقوں کے عوام کی معاشی و سماجی حالت بہتر بنانے کے لیے پاک بحریہ
کی جانب سے کئے جانے والے اقدامات کا جائزہ لیا۔
وزیر دفاع خواجہ محمد آصف نے پاکستان
نیوی کی آپریشنل تیاریوں اور خطے میں سیکیورٹی کو یقینی بنانے میں پاک
بحریہ کے کردار پر اطمینان کا اظہار کیا۔انہوں نے پاک چین اقتصاد ی راہداری
کی بحری سیکیورٹی اورحفاظت کے سلسلے میں پاک بحریہ کے کردار کا خصوصیت سے
ذکر کیا۔
وزیر دفاع خواجہ محمد آصف نے کہا کہ پاک چین اقتصادی راہداری اور گوادربندرگاہ منصوبے
کی کامیابی کا انحصاربحرہندخصوصابحیرہ عرب میں محفوظ میری ٹائم ماحول پر
منحصرہے جس کو یقینی بنانے کے لیے پاک بحریہ مکمل تیارہے۔
وزیر دفاع خواجہ محمد آصف نے
اورماڑہ میں تعینات پاک بحریہ کے آفیسرزاورجوانوں سے گفتگوکی اور قوم کی
خدمت کے سلسلے میں ان کے عزم اورحوصلے کی تعریف کی۔
بعدازاں، معزز مہمان نے کیڈٹ کالج اورماڑہ اوربحریہ ماڈل کالج کا دورہ کیا
جہاں انہوں نے طلباء کی معتدد سرگرمیوں کو دیکھااورکیڈٹس اورطلباء کے ساتھ
بات چیت کی۔وزیر دفاع نے پاک بحریہ کے ہسپتال پی این ایس درمان جاہ کا دورہ
بھی کیا۔
وزیر دفاع خواجہ محمد آصف نے ملک کی سرحدوں کی مقدس فریضے کی ادائیگی میں پاک
بحریہ کے موثر کرداراورساحلی آبادی کی خدمت کے سلسلے میں پاک بحریہ کی
کاوشوں کو سراہا۔