Jan 26, 2017 01:29 pm
views : 995
Location : CM Secretariat
Lahore- CM Punjab Shahbaz Sharif chairs meeting about LDA
لاہور، وزیراعلیٰ پنجاب محمد شہباز شریف کی زیرصدارت اعلی سطح کا اجلاس
لاہور میں وزیراعلیٰ پنجاب محمد شہباز شریف کی زیرصدارت اعلی سطح کا اجلاس
ہوا۔اجلاس میں لاہور ڈویلپمنٹ اتھارٹی( ایل ڈی اے) کی کارکردگی اور فلاح
عامہ کے مختلف منصوبوں پر پیشرفت کا جائزہ لیا گیا۔
ڈائریکٹر جنرل لاہور ڈویلپمنٹ اتھارٹی نے ادارے کی کارکردگی کے بارے میں وزیراعلیٰ پنجاب محمد شہباز شریف کو بریفنگ دی۔
وزیراعلیٰ پنجاب محمد شہباز شریف کا کہناتھا کہ عام آدمی کو بہترین خدمات
کی فراہمی اور انہیں ریلیف دینا ایل ڈی اے کی بنیادی ذمہ داری ہے۔ ایل ڈی
اے کو اس عظیم مقصد کے حصول کیلئے موثر اور جامع اقدامات کرنے چاہیں۔ایل ڈی
اے کو ایسا ادارہ بننا چاہیے کہ عام آدمی کو اپنے مسئلے کے حل کیلئے دفاتر
کے بار بار چکر نہ کاٹنے پڑیں۔
وزیراعلیٰ پنجاب محمد شہباز شریف کا کہناتھا کہ جن ہاؤسنگ سوسائٹیوں نے
اپنے رہائشیوں کے لئے بنیادی سہولتیں فراہم نہیں کیں ان کے خلاف کارروائی
عمل میں لائی جائے۔
وزیراعلیٰ پنجاب محمد شہباز شریف نے پنجاب بھر میں غیر قانونی طور پر قائم ہاؤسنگ سوسائٹیوں کے خلاف بلا امتیاز کارروائی کا حکم دیا۔
وزیراعلیٰ پنجاب محمد شہباز شریف کا کہناتھا کہ غیر قانونی ہاؤسنگ
سوسائٹیوں کے خلاف زیروٹالرنس کی پالیسی اپنائی جائے۔ کسی کو عوام کے خون
پسینے کی کمائی پر ہاتھ صاف نہیں کرنے دیں گے۔ غیر قانونی تعمیرات کی روک
تھام کیلئے بھی تسلسل کے ساتھ اقدامات جاری رکھے جائیں۔
وزیراعلیٰ پنجاب محمد شہباز شریف کا کہنا تھا کہ تعمیراتی کام کے دوران
سڑکوں پر ملبہ نہیں ہونا چاہیے۔ عمارتوں کی دیکھ بھال اور وہاں حفاظتی آلات
کی تنصیب کے حوالے سے قواعد و ضوابط پر سختی سے عملدرآمد کرایا جائے۔
عمارتوں میں فائر فائٹنگ کے آلات ہر صورت ہونے چاہیں۔
وزیراعلیٰ پنجاب محمد شہباز شریف کا مزیدکہنا تھا کہ غیر قانونی شادی ہالز
کے خلاف بھی بھرپور ایکشن لیا جائے۔ لاہور کے اندر غیر قانونی فیکٹریوں کے
خلاف قانون کے تحت کارروائی جاری رکھی جائے۔ ایل ڈی اے کو ایسا ادارہ بننا
چاہیے جو عوام کو سہولتوں اور ریلیف کی فراہمی میں کوئی کسر اٹھا نہ رکھے۔
مسلم لیگ (ن) کے سینئر رہنما خواجہ احمد حسان، ایڈیشنل چیف سیکرٹری، کمشنر
لاہور ڈویڑن، سیکرٹری خزانہ ، لارڈ میئر لاہور، ایڈیشنل آئی جی پولیس اور
متعلقہ حکام نے اجلاس میں شرکت کی۔