Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jan 26, 2017 05:53 pm views : 916

Location : Ministry of Foreign Affairs Office

Islamabad- Foreign Office's Weekly Press Briefing

اسلام آباد ، گلگت بلتستان سے را کے 25 دہشت گرد گرفتارکئے گئے ہیں، ترجمان دفتر خارجہ

ترجمان دفتر خارجہ نفیس زکریا کا کہنا تھا کہ گلگت بلتستان سے بھارتی خفیہ ایجنسی را کے 20 سے 25 دہشت گرد گرفتار کئے گئے ہیں جو سی پیک کے خلاف کام کررہے تھے اور ان کا پارا چنار حملے میں بھی ملوث ہونے کا شبہ ہے۔
اسلام آباد میں ہفتہ وار بریفنگ کرتے ہوئے ترجمان دفتر خارجہ نفیس زکریا کا کہنا تھا کہ پارا چنار حملے کے حوالے سے ابھی تحقیقات جاری ہیں تاہم گلگت بلتستان سے 20 سے 25 دہشت گردوں کی گرفتاری کی رپورٹ ملی ہے جو بھارتی خفیہ ایجنسی را کے لئے کام کرتے تھے اور یہ دہشت گرد گلگت بلتستان میں سی پیک منصوبے کے خلاف بھی کام کررہے تھے۔
ترجمان دفتر خارجہ نفیس زکریا کا کہنا تھا کہ مقبوضہ کشمیر میں بھارتی جارحیت جاری ہے، آزادی کی جدوجہد کو بھارتی افواج کی جانب سے طاقت کے زور پر روکا جارہا ہے اور طاقت کا اندھا دھند استعمال کیا جارہا ہے وہاں کی حالت بد سے بدتر ہوگئی ہے لیکن کسی ذمہ دار کو قانون کے کٹہرے میں نہیں لایا گیا، عالمی برادری کو چاہئے کہ وہ مقبوضہ کشمیر میں جاری بھارتی جارحیت کا نوٹس لے۔
اڑی حملے کے الزام میں گرفتار پاکستانی بچوں کے حوالے سے ترجمان دفتر خارجہ نفیس زکریا کا کہنا تھا کہ حملے کے الزام میں گرفتار ہونے والے مظفرآباد سے تعلق رکھنے والے بچے بے گناہ ہیں اور بھارتی میڈیا بھی اس حوالے سے اعتراف کرچکا ہے کہ بچے کم عمر اور بے گناہ ہیں، نئی دلی میں پاکستانی ہائی کمیشن ان بچوں اور بھارتی حکام سے رابطے میں ہے۔
ترجمان دفتر خارجہ نفیس زکریا نے سعودی عرب میں گرفتار پاکستانیوں کے حوالے سے بتایا کہ پاکستان اور سعودی عرب کے مابین انسداد دہشت گردی کے حوالے سے میکنزم موجود ہے، سعودی عرب میں دہشت گردی کے الزام میں گرفتار پاکستانیوں کے معاملے سے پوری طرح آگاہ ہیں اور اس حوالے سے سعودی حکام کے ساتھ رابطے میں ہیں۔
ترجمان دفتر خارجہ نفیس زکریا نے کہا کہ افغانستان میں امن وامان کی ابتر صورتحال اور دہشتگردی وہاں کی اندرونی صورتحال کی وجہ سے ہے اسی لئے 15 سال سے افغانستان میں فوجی کارروائیوں کا مثبت نتیجہ نہیں نکلا، وہاں کے اندرونی حالات ہی بدامنی کے ذمہ دار ہیں وہاں دہشت گرد عناصر موجود ہیں جن کی نشان دہی بھی کی گئی لیکن افغان حکومت کی جانب سے کوئی کارروئی نہیں کی گئی۔