لاہور،وزیراعلیٰ پنجاب محمد شہبازشریف سے وفاقی وزیر ودفاعی پیداوار رانا تنویر حسین کی ملاقات
لاہور میں وزیراعلیٰ پنجاب محمد شہبازشریف سے وفاقی وزیر ودفاعی پیداوار رانا تنویر حسین نے ملاقات کی۔
اس موقع پروزیراعلیٰ پنجاب محمد شہبازشریف کاکہنا تھا کہ قائداعظم کے
پاکستان میں دہشت گردی، انتہاپسندی اور فرقہ واریت کی قطعاً کوئی گنجائش
نہیں۔ تحمل، برداشت اور رواداری پر مبنی پاکستانی معاشرے کا قیام ہمارا مشن
ہے۔دہشت گردی کے خلاف جنگ میں ہزاروں پاکستانی اپنی جانیں نچھاور کرچکے
ہیں۔
وزیراعلیٰ پنجاب محمد شہبازشریف کاکہنا تھا کہ دہشت گردی کے خلاف جنگ میں
پاکستان کی لازوال قربانیوں کی تاریخ عالم میں کوئی مثال نہیں ملتی۔بہادر
پاک افواج نے دہشت گردی کے ناسور کو نکیل ڈال دی ہے۔نیشنل ایکشن پلان کے
تحت دہشت گردی اور انتہاپسندی کے خاتمے کیلئے جامع اقدامات بارآور ثابت ہو
رہے ہیں۔
وزیراعلیٰ پنجاب محمد شہبازشریف کاکہنا تھا کہ پاکستان ایک محفوظ اور پرامن
ملک کے طور پرابھر رہا ہے۔دہشت گردی کے واقعات میں نمایاں کمی سے معاشی
سرگرمیوں میں اضافہ ہوا ہے۔ایک طرف پاکستان آگے بڑھ رہا ہے تو دوسری طرف
ناکام سیاستدان بے بنیاد الزامات کا ڈھول پیٹ رہے ہیں۔اپنے دور میں کرپشن
کے ریکارڈ بنانے والے سابق حکمرانوں کا واویلا چور مچائے شور کے مترداف ہے۔
وزیراعلیٰ پنجاب محمد شہبازشریف کاکہنا تھا کہ آج معروف بین الاقوامی ادارے
پاکستان کی مضبوط ہوتی ہوئی معیشت اور منصوبوں میں شفافیت کا برملا اعتراف
کر رہے ہیں۔پاکستان کے باشعور عوام ناکام سیاستدانوں کو ملک کی قسمت کھوٹی
نہیں کرنے دیں گے۔ان عناصر کو ترقیاتی منصوبوں میں شفافیت اور ان کی تیز
رفتاری سے تکمیل کی تکلیف ہو رہی ہے۔