Jan 31, 2017 05:25 pm
views : 858
Location : Supreme Court of Pakistan
Islamabad- Chairman PTI Imran Khan Media Talk
اسلام آباد، وزیراعظم کی تلاشی لی جارہی ہے تو وہ قانون کے پیچھے چھپ رہے ہیں، عمران خان
چیئر مین پاکستان تحریک انصاف عمران خان کا کہنا تھا کہ پاناما کیس میں
وزیر اعظم کی تلاشی لی جارہی ہے تو وہ قانون کے پیچھے چھپ رہے ہیں۔
سپریم کورٹ کے باہرمیڈیا سے بات کرتے ہوئےچیئر مین پاکستان تحریک انصاف
عمران خان کا کہنا تھا کہ پاناما لیکس انکشافات سے دنیا میں تہلکہ مچا،
پاناما لیکس میں آنے والے ناموں سے کسی نے انکارنہیں کیا، کارروائی کے
دوران وکیل نے 3 بار کہا کہ عدالت کے پاس اختیارنہیں ہے، پہلی بار انہوں نے
مانا کہ لندن کے فلیٹس ہمارے ہیں جب کہ پہلے انہوں نے صاف انکارکیا تھا کہ
فلیٹ ہمارے نہیں ہیں تو لندن کے سب سے مہنگے علاقے میں کیا حاتم طائی نے
انہیں رہنے دیا تھا، 15 ملین درہم کا حساب ہم کہاں سے لائیں گے اور ملکیت
تسلیم کرلی تو اب انہوں نے ہی جواب دینا ہے۔
چیئر مین پاکستان تحریک انصاف عمران خان کا کہنا تھا کہ نوازشریف نے
اسمبلی میں کہا کہ ان کے پاس تمام دستاویزات موجود ہیں خود کو احتساب کے
لئے پیش کرتے ہیں لیکن اب ان سے یہ پوچھا جارہا ہے کہ انہوں نے اسمبلی کی
صحیح بات کی تھی یاعدالت میں، گلف اسٹیل 15 ملین درہم نقصان دے رہی تھی،
لندن فلیٹس کا 13 سال کا کرایہ 30 کروڑ بنا ہے۔
چیئر مین پاکستان تحریک انصاف عمران خان کا کہنا تھا کہ قطری کرپٹ ترین
آدمی ہے اس پر کیسز ہیں، ایل این جی اورپورٹ قاسم کا کنٹریکٹ قطری کودیا
گیا، وہ پاکستانی قوم کونقصان پہنچا کرقطری کو فائدہ پہنچا رہے ہیں،
التوفیق کا پیسا کہاں سے آیا، کہتے ہیں قطری سے آیا، جب سےسپریم کورٹ میں
آئے ہیں قطری ون اورقطری ٹوآگیا ہے، پچھلے 7 ماہ میں ان لوگوں نے کبھی قطری
کا نام نہیں لیا، ان کی ساری منی ٹریل قطری ہے۔
چیئر مین پاکستان تحریک انصاف عمران خان نے مزید کہا کہ وزیراعظم کی
تلاشی لی جارہی ہے تو وہ قانون کے پیچھے چھپ رہے ہیں جب کہ وزیراعظم قانون
کے پیچھے نہیں چھپ سکتے ہیں۔