Jun 17, 2017 03:07 pm
views : 751
Location : Governor House
Karachi- Governor Sindh Muhammad Zubair meets Growers Delegation
کراچی ، زرعی پیداوار میں اضافہ ناگزیر ہے،گورنر سندھ
گورنرسندھ محمد زبیرنے گورنر ہاؤس میں شہید بینظیر آبا د ، نوشہروفیروز اور
سانگھڑ کے آباد گاروں کے وفد سے ملاقات کی جس کی سربراہی رمضان چانڈیو
کررہے تھے ۔
ترجمان گورنر ہاؤس کے مطابق گورنر سندھ محمد زبیر نے کہا ہے کہ بڑھتی ہوئی
آبادی کی غذائی ضروریات پوری کرنے کے لئے زرعی پیداوار میں اضافہ ناگزیر ہے
، زرعی ترقی کے ذریعہ ملکی معیشت کو تیزی سے ترقی دی جارہی ہے ،زراعت کے
شعبہ میں ترقی اور کسانوں اور آباد گاروں کی خوشحالی موجودہ حکومت کی اولین
ترجیح ہے۔
انہوں نے کہا کہ سندھ ایک زرعی صوبہ ہے اور زراعت صوبہ کی معیشت میں ریڑھ
کی ہڈی کی حیثیت رکھتی ہے،حکومت آباد گاروں کو پانی ، کھاد ، ادویات اور
دیگر سہولیات کی فراہمی کے لئے ہر ممکن اقدامات اٹھا رہی ہے ، خوشحال آباد
گار صوبہ کی ترقی اور خوشحالی کی ضمانت ہے۔ انہوں نے کہا کہ فصل کی بوائی
سے لیکر کٹائی تک کے مراحل اور منڈیوں تک سامان لے جانے کے ضمن میں
انفرااسٹرکچر کی بحالی و ترقی کے متعدد منصوبے شروع کئے گئے ہیں جن کی
تکمیل سے آبادگاروں اور کاشتکاروں کو زبردست ریلیف حاصل ہوگا۔
گورنر سندھ نے کہا کہ اگلے مالی سال کے بجٹ میں کسانوں کے لئے کئی مراعات
کا اعلان کیا گیا ہے کیونکہ وزیر اعظم زرعی شعبہ کی تیز رفتار ترقی کے
خواہاں ہیں۔ ملاقات میں آباد گاروں نے اپنے مسائل اور حائل رکاوٹوں سمیت
دیگر مسائل سے آگاہ کیا۔
گورنر سندھ نے کہا کہ آباد گاروں کے مسائل ترجیحی بنیادوں پر حل کئے جائیں
گے اور زراعت کے شعبہ میں جدت لانے اور ٹیکنالوجی کے حصول میں بھرپور
اقدامات اٹھائے جارہے ہیں تاکہ جدید ٹیکنالوجی سے بھرپور استفادہ حاصل کیا
جا سکے ،وفاقی حکومت کاشتکاروں ، کسانوں اور آباد گاروں کی خوشحالی کے
ایجنڈے پر کاربند ہے اس ضمن میں اہم اقدامات کے ذریعہ انھیں بھرپور ریلیف
فراہم کیا جائے گا۔