Feb 02, 2019 06:17 pm
views : 439
Location : Domestic Place
Islamabad- Former President Asif Ali Zardari kashmir Conference
اسلام آباد،انشاء اللہ میں کشمیر کو اپنی زندگی میں آزاد دیکھوں گا، آصف زرداری
پاکستان پیپلز پارٹی کے شریک چیئرمین آصف زرداری کا کہنا ہے
کہ حکومت گرانے کے لیے میڈیا ہمارا ساتھ دے ہم صحافیوں کی مشکلات میں ان کا
ساتھ دیں گے۔
اسلام آباد میں مسئلہ کشمیر سے متعلق اے پی سی میں خطاب کے دوران آصف
زرداری نے کہا کہ سیاسی معاملات پر سیاسی جماعتوں کی پوزیشن مختلف ہوسکتی
ہے لیکن مسئلہ کشمیر پر تمام پاکستانیوں کا ایک ہی موقف ہے، ہم کشمیر کو
خود سے الگ نہیں کرسکتے کشمیر ہمارے خون میں شامل ہے، کشمیر ہم سے اور ہم
کشمیر سے جدا نہیں ہوسکتے۔
آصف زرداری کا کہنا ہے کہ بھارتی وزیر اعظم نریندرا مودی کو سمجھنا چاہیے
کہ کشمیر پر حکومت کا نہیں پورے پاکستان کا ایک ہی موقف ہے، پاکستان نے ہر
فورم پر مسئلہ کشمیر سے متعلق آواز بلند کی، بھارت سے جب بھی مذاکرات ہوئے
کشمیر پر بات ہوئی، بلاول اور آصفہ بھی مسئلہ کشمیر کو سمجھتے ہیں اس پر
آواز بلند کررہے ہیں، ہم کشمیر کو کبھی نہیں بھولیں گے، کشمیر کاز کو سب سے
زیادہ نقصان آمریت کے دور میں پہنچا، کشمیر کاز پر تمام سیاسی جماعتوں کو
مل کر کام کرنا ہوگا، انشاء اللہ میں کشمیر کو اپنی زندگی میں آزاد دیکھوں
گا۔