مظفر آباد، پاکستان کے عوام اور حکومت کشمیری عوام سے یکجہتی کا اظہار کرتے ہیں، صدر مملکت عارف علوی
صدر مملکت ڈاکٹر عارف علوی کا کہنا ہے کہ کشمیر پر صرف کشمیریوں کا حق ہے۔
پاکستان کے عوام اور حکومت کشمیری عوام سے یکجہتی کا اظہار کرتے ہیں۔
یوم یکجہتی کشمیر کے موقع پر صدر ڈاکٹڑ عارف علوی نے قانون ساز اسمبلی سے
خطاب کرتے ہوئے ہندوستان سے آٹھ مطالبات کئے ہیں۔ جن میں مطالبہ کیا گیا ہے
کہ تمام سیاسی قیدیوں کو بھارت رہا کرے۔ اظہار رائے کی آزادی دی جائے تاکہ
لوگ اپنی بات کہہ سکیں، نہتے کشمیری عوام پر آتشیں اسلحے کا استعمال بند
کیا جائے۔ بیلٹ گن کا استعمال انتہائی وحیشانہ کیفیت ہے، اس پر فوری پابندی
عائد کی جائے، میں چیلنج کرتا ہوں کیونکہ ہندوستان اپنے کسی شہر اور صوبے
میں بیلٹ گن کا استعمال نہیں کرسکتا تو کشمیر پر بھی اس پر پابندی عائد کی
جائے۔
انہوں نے یہ بھی مطالبہ کیا کہ جارحانہ کارلے قوانین واپس لئے جائیں اور
مقبوضہ کشمیر کی قیادت کو بیرون ملک سفر کی اجازت کھلی دی جائے تاکہ وہ
اپنا مقدمہ باہر بیان کرسکیں۔
صدر مملکت کا مطالبے میں یہ بھی کہنا تھا کہ انسانی حقوق کے عالمی مبصرین
کیلئے راستے کھولے جائیں تاکہ وہ جاں کر خود دیکھ سکیں جبکہ ہندوستان عالمی
اور سوشل میڈیا کیلئے کشمیر کے ساتھ روابط کی بحالی ممکن بنائے تاکہ وہ
اپنی آنکھوں سے خود دیکھ سکیں کہ بھارت صحیح ہے یا غلط ہے۔
انہوں نے اقوام متحدہ سے بھی مطالبہ کیا کہ وہ فیکٹ فائنڈنگ کمیشن مقبوضہ
کشمیر میں بھیجے اورپاکستان وکشمیری مسلمانوں کے ساتھ وعدوں کو پورا کرے۔