ایرانی قونصل خانے کے اشتراک سے ادارہ فروغ قومی زبان، قومی تاریخ وادبی
ورثہ ڈویژن کے تحت پاکستان نیشنل کونسل آف آرٹ میں ایرانی خطاط کی نمائش کا
انعقاد کیا گیا۔ نمائش دس فروری تک جاری رہے گی۔ نمائش کا افتتاح وفاقی
وزیر تعلیم شفقت محمود اور منتظم اعلیٰ ایرانی کلچرل قونصلر محمد رضا کاکا
نے کیا۔
نمائش میں خطاط کی خطاطی کو حاضرین نے خوب سراہا اور ایرانی خطاط کی دل کھول کر پذیرائی کی۔
شرکاء کا کہنا تھا کہ ایران کا شمار دنیا کی قدیم ترین تہذیبوں میں کیا
جاتا ہے۔ انقلاب اسلامی ایران کی چالیسویں سالگرہ کی مناسبت سے جہاں متعدد
تقاریب کا اہتمام کیا گیا ہے وہیں خطاطی نمائش بھی اسی سلسلے کی کڑی ہے۔
نمائش میں حصہ لینے والے ایرانی خطاط محمد احسان کا کہنا تھا کہ کیلی گرافی
کا فن مجھے میرے والد سے ملا، میں اس پیشے سے گزشتہ چودہ برس سے وابستہ
ہوں۔ میری والدہ بھی بہت اچھی کیلی گرافر تھیں، پاک ایران اشتراک سے منعقدہ
خطاطی کی نمائش کی وجہ سے آج ہم یہاں پر موجود ہیں۔ نمائش میں حصہ لے کر
مجھے بہت خوش محسوس محسوس ہورہی ہے۔ نمائش میں ہمارے کام کو سراہا گیا ہے
جو کہ ہمارے لئے بہت فخر کی بات ہے۔
ڈائریکٹر افغان مہاجرین اسکول اسلام آبادمحمد شریف صالحی کا کہنا تھا کہ
کیلی گرافی نمائش کی افتتاحی تقریب میں شرکت کیلئے مجھے مدعو کیا گیا ہے۔
یہاں آنا میرے لئے اعزاز کی بات ہے۔ میری خواہش ہے کہ پاکستان میں اس طرح
کے مزید ایونٹس ہوتے رہنا چاہئیں جو کہ برادر اسلامی ممالک کی ثقافت کے
فروغ کیلئے بہت ضروری ہیں۔