Feb 14, 2019 08:42 pm
views : 408
Location : Domestic Place
Peshawar- Wood handicraft Business down
پشاور، لکڑی سے بنے مجسمے کا کاروبار انحطاط پذیری کی جانب گامزن
پشاور گڈی خانہ میں لکڑی سے بنے مجسمے کا کاروبار مندی کا شکار ہے، اندرون
پشاور کا معروف بازار گڈی خانہ جس میں پہلے چار درجن سے زائد دکانیں موجود
تھیں لیکن اب ان کی تعداد ایک درجن سے بھی کم ہے۔
دکانداروں کا کہنا ہے کہ وہ تین نسلوں سے اس کاروبار کو فروغ دے رہے تھے ان
کے ہاتھ کے بنے مجسمے دنیا بھر میں مقبول ہیں اور جب ملک کے حالات بہتر
تھے تو بیرون ملک سے لوگ یہاں آتے تھے اور ان کے ہاتھ کی بنی چیزیں خرید کر
لے جاتے تھے جس سے ان کو منافع ہوتا تھا اور اس طرح وہ اپنے خاندان کیلئے
دو ٹائم کی روٹی کماتے تھے لیکن ملک میں امن وامان کی صورتحال بگڑنے کے بعد
اب سیاح اس طرف کا رخ نہیں کرتے ہیں جس کی وجہ سے ان کے کاروبار کو بہت
نقصان پہنچا ہے۔
مالک عبدالراشد اعوان یہ کام بہت عرصے سے کررہے ہیں، پہلے والد کرتے تھے اب
ہم کررہے ہیں، کام پہلے زیادہ تھا اب صرف دو دکانیں رہ گئی ہیں، کام کی
نوعیت ایسی ہوگئی ہے کہ گاہک اور سیاح نہیں آتے، یہ ہاتھ کا کام ہے۔
ایک اور دکاندار زاہد علی کا کہنا تھا کہ یہ کام ہم آباؤ اجداد کے زمانے سے
کرتے آرہے ہیں، ہمارے خاندان کے زیادہ تر افراد اس پیشے سے منسلک ہیں پہلے
کام زیادہ ہوتا تھا، حالات کی وجہ سے یہ کام بند ہوگیا ہے، باہر کے ممالک
میں اس کی زیادہ ڈیمانڈ ہے۔