Feb 17, 2019 06:58 pm
views : 451
Location : Domestic Place
Lahore- Nawaz Sharif still awaits cardiac treatment on third day at Jinnah Hospital
لاہور،نواز شریف کی میڈیکل ہسٹری کا جائزہ، میڈیکل بورڈ کل حتمی رائے آنے کی امید
جناح
اسپتال میں زیر علاج سابق وزیراعظم نواز شریف کے میڈیکل بورڈ نے ان کی
تمام میڈیکل ہسٹری کا جائزہ لیا جس کے بعد کل حتمی رائے سامنے آنے کی توقع
ہے۔
سابق وزیراعظم سے سروسز اسپتال، پی آئی سی اور لندن میں علاج کی
تفصیلات طلب کی گئی تھیں جو انہوں نے فراہم کیں جس کے بعد میڈیکل بورڈ نے
اس کا جائزہ لیا۔
علامہ اقبال میڈیکل کالج کے پرنسپل ڈاکٹر عارف تجمل
نے میڈیا سے گفتگو کرتے ہوئے بتایا کہ نواز شریف کو علاج اور رہائش کی جگہ
سےکوئی تکلیف نہیں، ڈاکٹروں کی ٹیم نے ان کی کیس ہسٹری کا جائزہ لے لیا
ہے۔
ڈاکٹر عارف تجمل کے مطابق نواز شریف کے کچھ ٹیسٹ ہوچکے ہیں اور ان
کی طبعیت ٹھیک ہے اور انہیں دی جانے والی دواؤں میں تبدیلی کی ضرورت نہیں۔
پروفیسر
عارف تجمل نے کہا کہ نواز شریف کا پرانے ڈیٹا سمیت پی آئی سی اور سروسز کا
ڈیٹا مل گیا ہے، کسی رپورٹ کے بارے میں کارڈیالوجسٹ بہتر آگاہ کرسکتے ہیں
اور ممکن ہے کہ کل تک میڈیکل بورڈ اپنی حتمی رائے دے۔
پروفیسر عارف تجمل کا مزید کہنا تھا کہ مریض کو علاج کی ضرورت ہے اور ہم ان کا علاج کررہے ہیں۔