کراچی، ملیر میں عمارت منہدم ہونے سے 3 افراد جاں بحق، متعدد زخمی
کراچی کے علاقے ملیر کی جعفر طیار سوسائٹی میں رہائشی عمارت منہدم ہوگئی اورمتعدد لوگوں کے ملبے کے نیچے دبنے کی اطلاع ہے۔
کراچی کے علاقے جعفر طیار سوسائٹی میں صبح ساڑھے 7
بجے 30 سال پرانی 4 منزلہ عمارت زمین بوس ہوگئی، متعدد لوگوں کے ملبے تلے
دبنے کی اطلاع ہے جب کہ 3 افراد جاں بحق ہوگئے اور2 زخمیوں کونکال کراسپتال
منتقل کیا جا رہا ہے۔ پولیس کا کہنا ہے کہ منہدم عمارت میں تین
فیملیزرہائش پزیرتھیں، امدادی کاروائیاں جاری ہیں۔
وزیراعلیٰ سندھ سید مراد علی شاہ نے عمارت گرنے کا نوٹس لیتے ہوئے کہا ہے
کہ مجھے تفصیلی رپورٹ دی جائے کہ عمارت کیسے گری، ہرصورت انسانی جانوں کو
بچایا جائے۔
گورنرسندھ نے کمشنرکراچی کو امدادی کام تیزکرنے کی ہدایات کرتے ہوئے کہا کہ
ملبے میں دبے افراد کو فوری نکلنے کے انتظامات یقینی بنائے جائیں، انسانی
جانوں کو ہر صورت بچایا جائے جب کہ کراچی بلڈنگ کنڑول اتھارٹی اور ملیر
ڈیویلپمنٹ اتھارٹی کی ناقص کارکردگی ایسے واقعات کی وجہ ہے۔