Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Mar 01, 2019 03:24 pm views : 370

Location : Supreme Court Of Pakistan

Islamabad- Nawaz Sharif Request Bail to Supreme Court

اسلام آباد،نواز شریف نے العزیزیہ ریفرنس میں ضمانت کیلئے سپریم کورٹ سے رجوع کر لیا

سابق وزیر اعظم نواز شریف نے العزیزیہ ریفرنس میں دی گئی سزا کی معطلی اور ضمانت کیلئے سپریم کورٹ سے رجوع کر لیا۔ اسلام آباد ہائیکورٹ کے فیصلے کے خلاف سپریم کورٹ میں درخواست دائر کر دی۔
نواز شریف کے وکیل خواجہ حارث کے توسط سے جمع کرائی گئی درخواست میں استدعا کی گئی ہے کہ اسلام آباد ہائیکورٹ کا 25 فروری کا فیصلہ کالعدم قرار دیا جائے اور العزیزیہ ریفرنس میں دی گئی سزا معطل کر کے ضمانت پر رہا کیا جائے۔
درخواست میں وفاق، نیب، جج احتساب عدالت اور سپریٹنڈنٹ کوٹ لکھپت جیل کو فریق بنایا گیا ہے۔درخواست میں موقف اختیار کیا گیا ہے کہ جیل میں قید نواز شریف کو سنجیدہ نوعیت کی بیماریاں ہیں۔ میڈیکل بورڈ کے ذریعے نوازشریف کے کئی ٹیسٹ کرائے گئے، انھیں انجائنا، دل، شوگر، ہائپر ٹینشن اور گردوں کے امراض لاحق ہیں، ڈاکٹروں کے مطابق نواز شریف کی انجیو گرافی بھی ہونا لازمی ہے۔
درخواست میں کہا گیا ہے کہ اسلام آباد ہائیکورٹ نے درخواست پر فیصلہ دیتے ہوئے اپنے اختیار کے استعمال میں غلطی کی اور سپریم کورٹ کے طے کردہ پیرامیٹر کا غلط اطلاق کیا۔ ہائیکورٹ نے ضمانت کے اصولوں کو بھی مدنظر نہیں رکھا اور فرض کرلیا کہ نواز شریف کو ہسپتال میں علاج کی تمام سہولیات میسر ہیں حالانکہ نواز شریف کو جو علاج درکار ہے وہ ابھی تک شروع ہی نہیں ہوا ہے۔درخواست میں استدعا کی گئی ہے کہ نوازشریف کو فوری علاج کی ضرورت ہے کیونکہ اگر علاج نہ ہوا تو ان کی صحت کو ناقابل تلافی نقصان پہنچ سکتا ہے۔