Mar 06, 2019 04:46 pm
views : 524
Location : Federation House
Karachi- Electricity prices 25%, sales tax and discount rates increases not acceptable, Trader Community
کراچی، بجلی کی قیمتوں میں پچیس فیصد اضافہ، سیلز ٹیکس اور ڈسکاؤٹ ریٹ میں اضافہ خودکشی کے مترادف ہوگا، تاجر برادری
تاجربرادری نے کہا ہے کہ حکومت پاکستان نے عالمی مالیاتی ادارے (آئی ایم
ایف) سے بارہ بلین ڈالرز کا معاہدہ کرلیا ہے۔آئی ایم ایف کی شرائط پر پچیس
فیصد بجلی کی قیمتوں میں اضافہ، سیلز ٹیکس اور ڈسکاؤٹ ریٹ میں اضافہ خودکشی
کے مترادف ہوگا۔
وفاق ایوانہائے صنعت وتجارت میں منعقدہ پریس کانفرنس سے خطاب کرتے ہوئے ایف
پی سی سی آئی کے صدر داور خان کا کہنا تھا کہ تاجر برادری کی ہر ممکن کوشش
ہے کہ معاشی شرح نمو میں اضافہ ہو اس ضمن میں وزیر اعظم عمران خان کے
ہمراہ آئندہ ماہ اپریل میں چائنا میں منعقد ہونے والی سرمایہ کاری کانفرنس
میں شرکت کیلئے فیڈریشن ایک وفد کے ہمراہ شامل ہوگا۔
معروف صنعتکار ایس ایم منیر کا کہنا تھا کہ معیشت کے حالات ٹھیک نہیں ہیں۔
بجلی اور گیس کے نرخ مسلسل بڑھائے جارہے ہیں۔ بجلی اور گیس کی قیمتوں میں
اضافے سے صنعتوں کا پہیہ رک جائے گا۔ ہم وزیرا عظم کے بازو مضبوط کرنا
چاہتے ہیں۔ نرخ میں اضافے سے کاروباری نقصان ہوجائے گا۔ برآمد کنندگان کی
مشکلات میں اضافے سے برآمدات نہیں بڑھ سکتیں۔
معروف صنعتکار مرزا اختیار بیگ کا کہنا تھا کہ آئی ایم ایف سے بارہ بلین
ڈالر کا پروگرام فائنل ہوگیا ہے۔ آئی ایم ایف کی شرائط سامنے آئی ہیں، جن
میں بجلی کی قیمتوں میں پچیس فیصد اضافہ یعنی 12 روپے 98 روپے سے بڑھ کر 16
روپے 24 پیسے کا ہوجانا یہ بہت بڑا اضافہ ہوگا۔ میکنزم جب تک ٹھیک نہیں
ہوگا گردشی قرضے ختم نہیں ہوسکتے۔ پچیس فیصد ٹیرف کا یکمشت بڑھادینا خودکشی
کے مترادف ہوگا۔ سیلز ٹیکس 17 فیصد سے اوپر تک لے جانے کی باتیں ہورہی ہیں
،یہ نقصاندہ حکمت عملی ہے۔ افراط زر ساڑھے 8 فیصد تک پہنچ گیا ہے۔ ڈسکاؤنٹ
ریٹ کو 14 سے 15 فیصد پر لے جانا ممکن نہیں۔