Mar 16, 2019 03:22 pm
views : 469
Location : National Stadium
Karachi- Hopeful for Success in PSL Final, Says Sarfaraz Ahmed
کراچی، پی ایس ایل فائنل میں کامیابی کیلئے پر امید ہیں، سرفراز احمد
قومی کرکٹ ٹیم کے کپتان سرفراز احمد کا کہنا ہے کہ تیسری مرتبہ
فائنل کھیلنے جارہے ہیں اور اس بار کامیابی کیلئے پر امید ہیں۔
کراچی میں پریس کانفرنس کرتے ہوئے کوئٹہ گلیڈی ایٹرز کے کپتان سرفراز احمد
کا کہنا تھا کہ پورے ایونٹ میں ہماری ٹیم اچھا کھیلی، اب تیسری مرتبہ
فائنل کھیلنے جارہے ہیں اور اس بار کامیابی کے لیے پر امید ہیں، شین واٹسن
میچ جتوانے کی صلاحیت رکھتے ہیں، شین واٹس اور عمر اکمل ہمارے مرکزی
بیٹسمین ہوں گے، احسان علی اور احمد شہزاد سے بھی امیدیں ہیں، فواد احمد کو
کھلانے کا رسک نہیں لیں گے۔
سرفراز احمد کا کہنا تھا کہ مدمقابل مضبوط ٹیم ہوگی لیکن 190 رنز اسکور
کرنے والی ٹیم کو برتری مل سکتی ہے، دونوں ٹیمیں ایک دوسرے کی خامیوں اور
خوبیوں سے آگاہ ہیں، باونڈری چھوٹی ہونے سے رنز بنتے ہیں، پاکستان میں
سپورٹنگ وکٹ ہیں، باونڈری میں اضافہ کے بعد بولر اور بیسٹمین خوش ہیں جب کہ
نئے ٹیلنٹ کو سامنے آنے کے لیے محنت کریں گے۔
قومی ٹیم کے کپتان نے کہا کہ کراوڈ بہت نیوٹرل ہے اگر کراچی میں کرکٹ ہوگی
تو ملک میں کرکٹ ہوگی، پاکستان میں کرکٹ مقابلوں کا معیار بہت بلند ہوگیا
ہے، ٹکٹ مانگنے والوں کی فرمائش بڑھ گئیں، میرے پاس ٹکٹ نہیں، نظر کرم کی
جائے۔ ایک سوال کے جواب میں انہوں نے کہا کہ آسٹریلیا کے خلاف ٹور میں ٹیم
کو مس نہیں کروں گا، گھر میں بیٹھ کر میچز دیکھوں گا۔