Mar 27, 2019 08:33 pm
views : 405
Location : Railway Headquarter
Lahore- Railway Minister Sheikh Rasheed Press Confrence
لاہور،وفاقی وزیر ریلوے شیخ رشید احمد کاسمجھوتہ ایکسپریس کیس میں عالمی عدالت جانے کا اعلان
وفاقی وزیر ریلوے شیخ رشید احمد نے سمجھوتہ ایکسپریس کیس میں عالمی عدالت جانے کا اعلان کر دیا ،لاہور میں پریس کانفرنس کرتے ہوئے شیخ رشید احمد نے کہا کہ سمجھوتہ ایکسپریس کیس پرعالمی عدالت جانے کا سوچ رہا ہوں، یہ سانحہ میرے دور وزارت میں پیش آیا تھا۔
وفاقی وزیر ریلوے نے کہا کہ ساری دنیا جانتی ہے نواز شریف اور شہباز شریف کے پیسے کہاں ہیں۔ دونوں بھائی کبھی پیسے واپس نہیں کریں گے جب کہ آصف زرداری پیسہ پھینک تماشہ دیکھ کرتے ہیں اور وہ پیسہ دے بھی دیں گے۔
وفاقی وزیر نے کہا کہ کاش نوازشریف خاندان وہ کرتا جو کہتے ہیں کیونکہ یہ باہر سے کچھ اور اندرسے کچھ ہیں جب کہ یہ اپنے مفاد کے لیے کچھ بھی کر سکتے ہیں۔ لوگ جرات سے جیل کاٹتے ہیں جب کہ نواز شریف بہانے کر رہے ہیں۔ تمام بارگین کا ماسٹر مائنڈ شہباز شریف ہے
انہوں نے کہا کہ پاک بھارت کشیدگی کم کرنے کا سہرا وزیر اعظم اور آرمی چیف کو جاتا ہے جب کہ پاکستان کے پاس جدید میزائل موجود ہیں اور 21 میزائل بھارت پر حملے کے لیے تیار ہیں۔ مودی نے چالاکی سے ایسی جگہ بم گرائے جہاں کوئی نہیں تھا۔
وفاقی وزیر ریلوے نے کہا کہ نریندر مودی نے پلوامہ حملہ الیکشن میں کامیابی کے لیے کیا تھا۔ پاکستان کے پاس جدید ٹیکنالوجی موجود ہے۔ بھارت کی جدید آبدوز نشانے پر آنے کے باوجود پاکستان نے جانے دی۔