Apr 07, 2019 03:50 pm
views : 371
Location : Different Places
Islamabad- PIA doubles baggage charges on domestic flights
اسلام آباد، قومی ائیر لائن نے نجی ایئر لائنز کی نسبت اضافی سامان کے چارجز ڈبل کردیے
قومی ائیر لائن نے نجی ایئر لائنز کی نسبت اضافی سامان کے چارجز ڈبل کردیے۔
پی آئی اے نے یکم اپریل سے اندرون ملک پروازوں پر فکس چارجز 5 ہزار روپے مقرر کردیے جس کا اطلاق ایک سے 20 کلو گرام پر مبنی اضافی سامان پر کیا گیا ہے۔
پی آئی اے کے پرانے اضافی چارجز 100 روپے فی کلو گرام سے بھی کم تھے تاہم اب فکس چارجز کے تحت فی کلو گرام 250 روپے وصول کیے جارہے ہیں۔
ترجمان پی آئی اے کا کہنا ہے کہ ایندھن کی قیمت میں اتار چڑھاؤ کے باعث چارجز فکس کیے گئے ہیں، نجی ائیر لائنز کے مقابلے میں پروازوں کی زائد تعداد کے باعث نقصان کا اندیشہ نہیں ہے۔