Apr 15, 2019 05:30 pm
views : 560
Location : Domestic Place
Lahore- NAB chairman cancels notices issued to Shehbaz's wife, daughters
لاہور،نیب نے شریف خاندان کی خواتین کو جاری کیے گئے تمام نوٹسز منسوخ کردیے
قومی احتساب بیورو (نیب) نے شریف خاندان کی خواتین کو جاری کیے گئے تمام نوٹسز منسوخ کردیے۔
نیب
کی جانب سے جاری کردی اعلامیہ کے مطابق چیئرمین نیب جسٹس ریٹائرڈ جاوید
اقبال نے شریف خاندان کی خواتین کو طلبی کے نوٹس منسوخ کرتے ہوئے سوالنامہ
بھیجنے کے احکامات جاری کر دیے ہیں۔ چیئرمین نیب نے نصرت شہباز، رابعہ
عمران اور جویریہ علی کو سوال نامہ بھجوانے کے احکامات جاری کیے ہیں۔
چیئرمین
نیب نے نیب آفس لاہور کا دورہ کیا جب کہ ڈائریکٹر جنرل (ڈی جی) نیب لاہور
نے چیئرمین نیب کو اہم مقدمات سے متعلق بریفنگ دی۔ ڈی جی نیب نے شہباز
شریف فیملی کے منی لانڈرنگ کیس کے حوالے سے بھی بریفنگ دی۔
جسٹس
ریٹائرڈ جاوید اقبال نے شریف خاندان کے مقدمات کی براہ راست خود نگرانی
کرنے کا فیصلہ کرتے ہوئے شریف خاندان کی خواتین کو جاری کردہ طلبی کے نوٹسز
کو منسوخ کر دیا۔
شہباز شریف کی اہلیہ نصرت شہباز سمیت ان کی صاحبزادیوں کو اب نیب کی جانب سے آج ہی سوالنامہ بھجوایا جائے گا۔
واضح
رہے کہ دو روز قبل نیب لاہور نے قومی اسمبلی میں قائد حزب اختلاف شہباز
شریف کی بیٹی کے گھر جاکر نوٹس ذاتی طورپر موصول کرایا تھا۔
نیب لاہور
نے شہباز شریف کی صاحبزادی کے گھر پر چھاپے کی تردید کرتے ہوئے کہا تھا کہ
شہباز شریف کی صاحبزادی کے گھر کا گھیراؤ کرنے کی خبر میں کوئی صداقت نہیں،
مخصوص عناصر نیب کو بدنام کرنے کے لیے من گھرٹ پروپیگنڈا کر رہے ہیں۔
نیب
کا کہنا تھا کہ شریف فیملی کے خلاف آمدن سے زائد اثاثہ جات اور مبینہ منی
لانڈرنگ کیس پر تحقیقات جاری ہیں۔ جس کے لیے شہبازشریف کی اہلیہ اور 2
بیٹیوں کو طلب کیا گیا تھا۔