Apr 15, 2019 07:50 pm
views : 520
Location : Sindh Assembly
Karachi- Advisor to CM Murtaza Wahab Media Talk
کراچی،ڈیم فنڈ کی باقی رقم کہاں ہے؟مرتضیٰ وہاب
مشیراطلاعات
سندھ مرتضیٰ کا کہنا ہے کہ گورنر ہاؤس سندھ میں وزیراعظم عمران خان نے
اعلان کیا تھا کہ چند لمحوں میں ہم نے 76 کروڑ روپے ڈیم فنڈ میں جمع کیے
جبکہ چند ہفتوں بعد گورنر سندھ عمران اسماعیل نے ڈیم فنڈ میں صرف 67 کروڑ
روپے کا چیک جمع کروایا، باقی کی رقم کہاں ہے؟
سندھ اسمبلی میں صحافیوں
سے گفتگو کرتے ہوئے مشیر اطلاعات کا کہنا تھا کہ سندھ کےحقوق کی جنگ
پاکستان پیپلز پارٹی لڑ رہی ہے،متحدہ کے وفاقی وزیر نے کہا کہ وزیر اعظم سے
کہیں گے کہ آرٹیکل 149 کے تحت سندھ کے معاملات میں مداخلت کریں، انہیں
آرٹیکل 149 کے ساتھ آرٹیکل 148 بھی پڑھنا چاہیے۔
مشیراطلاعات سندھ نے
یہ بھی کہا کہ ایم کیو ایم وزیر اعظم کے سامنے این ایف سی، سندھ کی گیس اور
پانی کا معاملہ کیوں نہیں اٹھاتی، پاکستان تحریک انصاف کا تعلق نہ جمہور
سے ہے نہ جمہوریت سے۔