Apr 19, 2019 10:01 pm
views : 340
Location : Domestic Place
Khalilzad ‘disappointed’ by collapse of inter- Afghan peace meeting
قطرمیں مذاکرات ملتوی ہونے پرمایوسی ہوئی، زلمے خلیل زاد
امریکی نمائندہ خصوصی زلمے خلیل زاد کا کہنا ہے کہ مذاکرات کا کوئی نعم البدل نہیں، ضرورت ہوتوہم مدد کو تیارہیں۔
امریکی
نمائندہ خصوصی زلمے خلیل زاد نے قطرمیں مذاکرات ملتوی ہونے پر مایوسی کا
اظہارکرتے ہوئے کہا کہ فریقین سے رابطے میں ہیں اورمذاکرات کی حمایت کرتے
ہیں۔
زلمے خلیل زاد نے کہا کہ مذاکرات پائیدارامن اورسیاسی روڈمیپ کے
لیے اہم ہوتے ہیں، مذاکرات کا کوئی نعم البدل نہیں، ضرورت ہوتوہم مدد کو
تیارہیں۔
افغان حکومت اور افغان طالبان کے درمیان ہونے والے دوحا
مذاکرات آخری لمحات پر منسوخ کردیے گئے،ترجمان افغان صدارتی محل نے
مذاکرات منسوخی کی تصدیق کرتے ہوئے کہا کہ مذاکرات افغان وفد پرقطری حکومت
کے اعتراض پر منسوخ ہوئے،یاد رہے کہ طالبان اور افغان نمائندوں کے درمیان
ملاقات 20 اور 21 اپریل کو قطر میں ہونا تھی اور مذاکرات کے لیے افغان
حکومت نے 250 رکنی فہرست تیار کی تھی تاہم افغان حکومت اورطالبان کےدرمیان
ہونے والے مذاکرات آخری لمحات میں منسوخ ہوگئے تھے۔
افغان حکومت کی
مذاکرات کے لیے تیار کی گئی فہرست پرطالبان نے تنقید کرتے ہوئے کہا تھا کہ
یہ شادی یا کسی اور مناسب سے دعوت اور مہمان نوازی کی تقریب نہیں کہ کابل
انتظامیہ نے کانفرنس میں شرکت کے لیے 250 افراد کی فہرست جاری کی۔