Apr 28, 2019 05:27 pm
views : 313
Location : Domestic Place
Multan- Governor Punjab Chaudhary Media Talk
ملتان،عمران خان نے وعدہ کیا تھا کہ پاکستان کے لوگوں کو صاف پانی فراہم کریں گے،گورنر پنجاب
گورنر
پنجاب چوہدری سرور نے کہا ہے کہ عمران خان نے وعدہ کیا تھا کہ پاکستان کے
لوگوں کو صاف پانی فراہم کریں گے جس کے لئے بھرپور کام جاری ہے۔
ملتان
میں ذرائع ابلاغ عامہ کے نمائندوں سے گفتگو کرتے ہوئے گورنر پنجاب کا کہنا
تھا کہ آب پاک اتھارٹی کے لیے 50 این جی اوز سے مل کر 50 لاکھ افراد کو صاف
پانی فراہم کریں گے جبکہ اس میں مخیر حضرات بھی بھرپور مدد کرنے کے لیے
تیار ہیں۔
چوہدری سرور کا مزید کہنا تھا کہ ہمارے ملک میں اربوں روپے سے
واٹر فلٹر پلانٹ لگائے گئے لیکن مناسب دیکھ بھال نہ ہونے کے باعث یہ فلٹر
ناکارہ ہوگئے ہیں تاہم کمشنروں کی ذمہ داری لگائی ہے کہ وہ پانی سے متعلقہ
تمام کی سکیمیوں کے اعدادوشمار اکٹھے کریں تاکہ ان پر کام کر کے عوام کو
پینے کا صاف پانی میسر کیا جائے۔
گورنر پنجاب کا مزید کہنا تھا کہ
موبائل فلٹریشن پلانٹ کا بھی تجربہ کیا جا رہا ہے تاکہ ایسے علاقے جہاں پر
زیر زمین پانی کی سطح نیچے ہے وہاں پر صاف پانی مہیا کیا جاسکے۔