Apr 30, 2019 05:27 pm
views : 321
Location : Domestic Place
Islamabad- PPP Leader Khursheed shah Press Conference
اسلام آباد، لگتا ہے عمران خان کو صرف ڈھال کے طور پر استعمال کیا جارہا ہے، خورشید شاہ
پاکستان پیپلز پارٹی کے رہنما خورشید شاہ کا کہنا ہے کہ لگتا ہے کہ عمران خان کو صرف ڈھال کے طور پر استعمال کیا جارہا ہے۔
اسلام
آباد میں پریس کانفرنس کے دوران خورشید شاہ کا کہنا تھا کہ آج لوگوں کی
چیخیں نکل گئی ہیں، ابھی بجٹ آرہا ہے اور چیخیں نکلیں گی، یہ واحد حکومت ہے
جس نے ایمنسٹی اسکیم چوروں کے لیے قرار دی، اب قوم سوال کرتی ہے حکومت کی
ایمنسٹی چوروں کیلئے ہے۔ آپ کہتے تھے کہ میں جوہری ہوں جو ہیروں کو پہچانتا
ہوں، آپ کون سے ہیرے ہیں جس نے ہیرے کو پتھر بنادیا۔
خورشید شاہ نے کہا
کہ ہمیں طاقت پر نہیں اتحاد و اتفاق پر بھروسہ کرنا چاہیے، ذوالفقار بھٹو
نے بھی کچھ ٹیکنو کریٹ رکھے تھے مگر اس حکومت نے تو کمال کردیا۔ انہوں نے
کہا کہ سارے حالات کے باوجود اپوزیشن کبھی نہیں چاہے گی لوگوں کی چیخیں
نکلیں، لوگوں کو بات کرنے دیں، ان کا گلہ نہ گھونٹیں، ہم نے اپنے دور میں
قرضے لیے تو حکومت حفیظ شیخ سے پوچھے کیونکہ وہ آپ کا حصہ ہیں۔
خورشید
شاہ کا کہنا تھا کہ معیشت کی صورت حال اس لیے خراب ہے کیونکہ ملک عدم
استحکام کا شکار ہے، فوج کو حکومت کی ناکامیوں کے باوجود اس طرح سامنے نہیں
آنا چاہیے، ایسے لگتا ہے کہ عمران خان کو صرف ڈھال کے طور پر استعمال کیا
جارہا ہے، مدارس اصلاحات کی بات سمیت دیگر مسائل اگر وزرا اٹھاتے تو بہتر
ہوتا، فوج ایسی چیزوں میں مداخلت سے گریز کرے کیونکہ اس طرح ادارے متنازع
بنتے ہیں۔