May 05, 2019 03:59 pm
views : 284
Location : Domestic Place
Karachi- Petrol Price High
رمضان المبارک سے قبل عوام کی مشکلات میں اضافہ،پیٹرول نو روپے بیالیس پیسے فی لیٹر مہنگا
حکومت نے
رمضان المبارک سے قبل عوام کی مشکلات میں مزید اضافہ کردیا،حکومت
نےپیٹرولیم مصنوعات کی قیمتوں میں اضافہ کرتے ہوئے فی لیٹر پیٹرول 9 روپے
42 پیسے مہنگا کردیا،جس کے بعد پیٹرول کی نئی قیمت 108 روپے 31 پیسے ہوگئی
جب کہ مٹی کا تیل 7 روپے 46 پیسے اضافے کے بعد 96 روپے 77 پیسے فی لیٹر
ہوگیا۔
ہائی اسپیڈ ڈیزل کی قیمت 4 روپے 89 پیسے فی لیٹر بڑھا دی گئی جس
کے بعد ڈیزل کی نئی قیمت 122 روپے 32 پیسے فی لیٹر مقرر ہوگئی جبکہ لائٹ
ڈیزل آئل کی قیمت 86 روپے94 پیسے فی لیٹر مقرر کی گئی ہے۔
پہلی بار
قیمتوں میں اضافے کی اطلاع براہ راست آئل مارکیٹنگ کمپنیوں کو دی گئی ہے اس
کے ساتھ ہی ایف بی آر نے پیٹرولیم مصنوعات کی قیمتوں پر لاگو ٹیکس میں
اضافے کی نئی شرح بھی جاری کردی ہے۔
پیٹرول پر جی ایس ٹی 2 فیصد سے بڑھا
کر 12 فیصد کردیا، ہائی اسپیڈ اور لائٹ ڈیزل پر ٹیکس کی یکساں شرح بڑھا کر
17 فیصد کی گئی ہے جب کہ مٹی کے تیل پر جی ایس ٹی 8 فیصد سے بڑھا 17 فیصد
کردیا گیا ہے۔
ذرائع ابلاغ عامہ کے نمائندے سے گفتگو کرتے ہوئے ایک
شہری عبدالستار کا کہنا تھا کہ سمجھ سے باہر ہے رمضان میں ویسے ابھی
اخراجات ذیادہ ہوتے ہیں اب تو پیدل چلنا پھرنا بھی دشوار ہوگیا ہے۔
محمد فیصل کا کہنا تھا کہ مہنگائی اتنی بھڑ گئی ہے کہ اب گذارہ مشکل ہوگیا ہے وزیر اعظم کو چاہیے کے پیٹرول کو سستا کرے۔