May 07, 2019 02:35 pm
views : 277
Location : Domestic Place
Islamabad- Fawad Ch constitutes committee to resolve moon sighting controversy
اسلام آباد، فواد چوہدری نے رویت ہلال کے لئے کمیٹی قائم کردی
وفاقی وزیرسائنس اینڈ ٹیکنالوجی فواد چوہدری نے رویت ہلال کے لئے کمیٹی قائم کردی۔
وفاقی
وزیرسائنس اینڈ ٹیکنالوجی فواد چوہدری نے رویت ہلال کے لئے کمیٹی قائم
کردی جس کی تشکیل کا باضابطہ نوٹیفیکشن جاری کردیا گیا ہے۔ کمیٹی رمضان،
عید الفطر، عید الاضحی اورمحرم کے حوالے سے 5سالہ کیلنڈرتشکیل دے گی۔
کمیٹی
میں جوائنٹ سائنٹفک ایڈوائزر، محکمہ موسمیات کے ماہرین اور اسپارکو کے
نمائندے شامل ہیں جبکہ ڈاکٹر محمد طارق مسعود کمیٹی کے کنوینر ہوں گے۔
اس
سے قبل وفاقی وزیرسائنس وٹیکنالوجی فواد چوہدری نے کہا تھا کہ چاند دیکھنے
کے لیے سائنس اینڈ ٹیکنالوجی سے فائدہ اٹھانا چاہیے، 10 سال کا کیلنڈر بن
جائے گا تو غیر ضروری اخراجات اور تنازعات سے بچ جائیں گے جب کہ عید
اوررمضان کے چاند پر 36 سے 40 لاکھ خرچ کرنا کہاں کی عقلمندی ہے۔
دوسری جانب وفاقی وزیرفوادچوہدری کے رویت ہلال سے متعلق بیان پرعلمائے کرام کی طرف سے سخت ردعمل آنا شروع ہو گیا تھا۔