اسلام آباد، کشمیریوں کی مرضی کے بغیر کشمیر میں کوئی تبدیلی
نہیں آسکتی، پاکستان
ترجمان
دفتر خارجہ ڈاکٹر محمد فیصل نے کہا بھارت مذاکرات کیلئے جو بھی راستہ
اپنائے پاکستان تیار ہے، کشمیریوں کی مرضی کے بغیر کشمیر میں کوئی تبدیلی
نہیں آسکتی۔
ترجمان
دفتر خارجہ ڈاکٹر محمد فیصل نے ہفتہ وار بریفنگ دیتے ہوئے کہا مقبوضہ
کشمیرمیں انسانی حقوق کی خلاف ورزیوں کاسلسلہ جاری ہے، بھارتی افواج نے
رواں ہفتے 14 کشمیریوں کو شہید کیا، پاکستان کو حریت رہنماؤں کو زیرحراست
رکھنے پر تشویش ہے۔
ترجمان کا کہنا تھا بھارت کالے قوانین سے بنیادی
انسانی حقوق کوپامال کررہاہے، بھارت عالمی برادری کی آنکھوں میں دھول
جھونکنابندکرے، بھارت کشمیریوں کوان کاحق خود ارادیت دے، لاپتہ
افرادسےمتعلق رپورٹ نے بھارتی مظالم کا چہرہ بےنقاب کیا۔
ڈاکٹر محمد
فیصل نے کہا کشمیریوں کی مرضی کے بغیر کشمیر میں کوئی تبدیلی نہیں آسکتی،
پاکستان بھارت کو ہر جگہ مذاکرات کیلئے کہہ چکا ہے، ہم ہر صورت میں مذاکرات
کو ترجیح دیتے ہیں۔
ڈاکٹر محمد فیصل نے کہا ایرانی وزیرخارجہ جواد ظریف
آج شام کو پاکستان آرہے ہیں، ملاقات میں دوطرفہ علاقائی اورعالمی امور
تبادلہ خیال ہوگا۔
ترجمان کا کہنا تھا وزیرخارجہ27 مئی کوسعودی عرب
جارہے ہیں، وزیراعظم کے دورے سے متعلق ابھی کچھ نہیں بتا سکتا، پاکستان
مسائل بات چیت کے ذریعےحل کرنے کا خواہاں ہے، عالمی معاہدوں پر ہر صورت میں
عمل ہونا چاہیے۔
بنگلادیش سے ویزا کے اجرا سے متعلق انھوں نے کہا
بنگلادیش نےپاکستانیوں کوویزوں کااجرامعطل کرنےکی تردیدکی ، پاکستان
بنگلادیشی حکام کیساتھ رابطےمیں ہے، پاکستان تمام ممالک کیساتھ دوستانہ
تعلقات چاہتاہے۔
بھارتی انتخابات سے متعلق ترجمان دفترخارجہ کا کہنا تھا بھارتی انتخابات پرسرکاری نتائج کےبعدبیان جاری کیاجائے گا۔