Jun 16, 2019 11:26 pm
views : 305
Location : Different Places
Lahore- Worlds Father,s Day
لاہور،دونوں ٹانگوں سے معذور ، محنت کرکے اپنے بچوں کو پیٹ پالنے والا با ہمت باپ
پاکستان سمیت دنیا بھر میں آج فادرز ڈے منایا جا رہا ہے یہ دن والد کی عظمت، عزت اور ان کی اہمیت کو اجاگر کرنے کے لیے منایا جاتا ہے،باپ دنیا کی وہ عظیم ہستی ہے جو اپنے بچوں کی پرورش کے لیے زمانے کی ہر سختی برداشت کرتاہے۔ باپ کا رشتہ بہت انمول اور شفیق ہوتا ہے جو اپنے بچوں کا ہر خواب پورے کرنے کے لیے دن رات مشقت کرکے اپنے بچوں کو اعلیٰ معیار زندگی فراہم کرتاہے،والد کی انہی کاوشوں کو خراج تحسین پیش کرنے کے لیے ہر سال 16 جون کو پاکستان سمیت دنیا بھر میں فادرز ڈے منایا جاتا ہے۔
امریکا میں بیسویں صدی کے اوائل میں ماؤں کے عالمی دن کی کامیابی کے بعد والد کی عظمت کو خراج تحسین پیش کرنے کے لیے فادرز ڈے منانے کا سلسلہ شروع ہوا اس دن بچے اپنے والد کی عظمت کو سراہتے ہوئے ان سے اپنی محبت اوراحترام کا اظہار کرتے ہیں۔
ایک باپ محبت اور شفقت کو لفظوں میں بیاں کرنا ممکن نہیں اور نہ ہی باپ کی قربانیوں اور محنت کی کوئی مثال ملتی ہے تاہم دونوں ٹانگوں سے معذور لاہور کے مکین محمد حسین کو دیکھ کر اس عظیم رشتے کی عظمت کا اندازا لگایا جاسکتا ہے،محمد حسین اس مہنگائی کے دور میں بھی کسی کے آگے ہاتھ پھیلانے کے بجائے محنت کرکے اپنے بچوں کا پیٹ پال رہے ہیں صاحب حیثیت افراد کو ان جیسے لوگوں کی مدد کرنی چاہیے۔
ذرائع ابلاغ عامہ کے نمائندے سے گفتگو کرتے ہوئے محمد حسین نےبتایا کہ کہ انکے والد بھی معذور تھے لیکن انہوں نے محنت کرکے انکا پیٹ پالا اور وہ بھی اسی طرح اپنے بچوں کو پال رہے ہیں۔
انکی والدہ رفیقن بی بی کا کہنا تھا کہ ہم بھیک نہیں مانگتے محنت کرکے اپنا گزارہ کرتے ہیں۔