Jun 28, 2019 10:55 pm
views : 258
Location : Parliament House
Islamabad- Changing of Chairman Senate will tell that Opposition is United,Asif Zardari
اسلام آباد،چیئرمین سینیٹ کی تبدیلی بتائے گی کہ اپوزیشن متحد ہے، آصف زرداری
پیپلز پارٹی کے شریک چیئرمین آصف زرداری نے کہا ہے کہ ہم حکومت ضرور گرانا چاہتے ہیں لیکن جمہوریت تباہ کرنا نہیں چاہتے۔
پارلیمنٹ ہاؤس میں میڈیا سے بات کرتے ہوئے آصف زرداری نے کہا کہ اپوزیشن کی کل جماعتی کانفرنس میں سب ساتھ بیٹھے اورمل کر جامع پروگرام بنایا اب آئندہ کا لائحہ عمل عوام کے لیے خوش خبری لائے گا۔
ان کا کہنا تھا نہیں سمجھتا کہ ہم سب میں کوئی باہر کی پولیٹیکل فورس کی سوچ ہے، آئندہ کا لائحہ عمل عوام کے لیے خوشخبری لائے گا، رہبر کمیٹی آگے لے کر چلے گی اور بہت اچھا ہو گا۔
چیئرمین سینیٹ کے حوالے سے سابق صدر نے کہا کہ میں یہ سمجھ رہا تھا کہ بلوچستان میں غم ہیں، بہت ایشوز ہیں اور یہ آ کر بہتری لائیں گے، اب چیئرمین سینیٹ کی تبدیلی بتائے گی کہ ہم میں ہم آہنگی ہے اور ہم سب ساتھ ہیں۔
آصف زرداری نے کہا کہ ہمارے زمانے میں بھی آئی ایم ایف تھی مگر ہماری شرائط پر تھی، میں کبھی آئی ایم ایف سے نہیں ملتا تھا، زیادہ سے زیادہ وزیر خزانہ ملتا تھا لیکن یہ تو آئی ایم ایف سے اُن کی شرائط پر خود مل رہے ہیں۔
سابق صدر نے افغان صدر کی پاکستان آمد کے حوالے سے کہا کہ وزیراعظم کو خود جا کر اشرف غنی کا استقبال کرنا چاہیے تھا، باقی دوستوں کے استقبال کے لیے چلے گئے، افغانستان جو دوست بھی ہے اور ہمسایہ بھی ان کے استقبال کے لیے نہیں گئے، یہ گستاخی کی گئی ہے,ان کا کہنا تھا کہ انہیں افغان صدر کو بھی خود ریسیو کرنا چاہیے تھا، یا کسی کو نا کرتے یا انہیں بھی کرتے۔
بی این پی کے سربراہ سردار اختر مینگل کی جانب سے حکومت کی حمایت پر آصف زرداری نے کہا کہ مینگل صاحب کی اپنی مرضی، جمہوریت ہے، مینگل صاحب اپنے ووٹ لے کر آئے اور ہم اپنے ووٹ لے کر آئے ہیں۔